खोज

 वरिष्ठ समाजसेवी मनवीर गर्बुजा पुन मगरको सातौं स्मृति समारोह बुटवलमा मनाइएको छ । समारोहको सन्दर्भमा “सामाजिक क्षेत्रमा मनवीर गर्बुजा मगरको योगदान” बिषयक गोष्ठी समेत सम्पन्न भएको छ ।
समारोहमा बोल्दै प्रदेश नं. ५ का सामाजिक विकास मन्त्री सुदर्शन बराल मगरले मनवीर गर्बुजा हामी सबैको अभिभावक भएको भन्दै राजनीतिक तथा सामाजिक उत्पीडनका विरुद्ध जीवनपर्यन्त क्रियाशीलता रहेको स्मरण गरे लेखक दिल साहनीले मनवीर गर्बुजाले मुलुकको वाम तथा उत्पीडित वर्ग समुदायको आन्दोलनलाई अघि बढाउन महŒवपूर्ण भूमिका खेलेको बताउँदै उनी समाजको एउटा जिउँदो र उदाहरणीय व्यक्ति रहेको बताए ।
यसबर्षको उत्कृष्ट पत्रकारिता पुरस्कार पाल्पा श्रीनगर एफएमका प्रबन्धक एवं फोनिज प्रदेश नं. ५ का इन्चार्ज देव पचभैया मगर र उत्कृष्ट समाजसेवी पुरस्कार शकुन्तलादेवी पुनलाई प्रदान गरिएको छ । कार्यक्रममा भूपू सैनिक कल्याण क्लबका अध्यक्ष एवं प्रतिष्ठानका कोषाध्यक्ष क्या.पदमबहादुर पुन, तमु छो धींका केन्द्रीय सल्लाहकार सूर्यलाल गुरुङ, आदिबासी जनजाति महासंघ प्रदेश सचिव मनोज राना, रेडियो समावेसीका अध्यक्ष प्रकाश राना लगायतले गर्बुजाको सामाजिक योगदानबारे बोलेका थिए ।