खोज

निर्मला पन्तको न्यायको लागि सैनामैनाका बालबालिका सडकमा उत्रिएका छन् । कञ्चनपुरकी १३ वर्षीय निर्मला पन्तको बलात्कारपछि हत्या गरिएको घटना सार्वजनिक भए पनि उक्त घटनाको दोषी पत्ता लगाउन बर्तमान सरकार चुकीरहेको भन्दै हजारौंको संख्यामा बालबालिकाहरू सडकमा उत्रिएका हुन् ।
सैनामैना नगरस्तरिय बाल क्लबद्धारा आयोजित उक्त बिरोध कार्यक्रममा नगर भित्र रहेका १ सय १० वटा बाल क्लबहरू, सैनामैनामा सञ्चालनमा रहेका संस्थागत तथा सामुदायिक विद्यालयका बिद्याार्थीहरू, स्थानिय आमा समुह, क्लव, सघं सस्थाका प्रतिनिधि, पत्रकार, बुद्धिजिवी लगायत स्थानियहरूले स्वत स्फुर्त सहभागि जनाएका थिए ।
उक्त बिरोध ¥यालीमा सहभागि बालबालिकाहरूले महिला हिंसा बन्द गर, बलात्कारीलाई फाँसी दे, निर्मला लाई न्याय दे, बिद्यालयलाई शान्ती क्षेत्र घोषणा गर, बन्दमा बिद्यालय खोल्न पाउनु पर्छ, अपराधीलाई राजनीतिक संरक्षण बन्द गर, बालबालिकालाई सुरक्षा प्रदान गर लगायतका नारा लेखेका प्लेकार्ड सहित सडकमा उत्रिएका थिए । सैनामैनाको कलौनी र मुर्गिया बाट निस्केको बिरोध ¥याली सैनामैना को बुद्धनगरमा आएर कोण सभामा परिणत भएको थियो ।
कोण सभालाई सम्बोधन गर्ने बक्ताहरूले देशमा पछिल्लो समय हत्या, हिंसा, बलात्कार लगायतका गतिविधी दिन प्रतिदिन भइरहेको भन्दै यसको नियन्त्रण र भएका घटनालाई सत्य तथ्यको आधारमा छानविन गरि दोषीलाई कानुनी दायरामा ल्याउनुपर्नेमा जोड दिएका थिए ।
निर्मला पन्तको बलात्कार पछि हत्या भएको यतिका समय हँुदा समेत सरकार यसमा गम्भीर नभएको बाल क्लबकी अभ्यक्ष मनिसा घिमिरेले बताइन । उनले निर्मला मात्र नभई देशमा यस्ता अपराधजन्य घटना दैनिक हुने गरेको हुदा यसको छानविन र दोषी पत्ता लगाई कानुनी दायरामा ल्याउन सरकार समक्ष अनुरोध गरेकी छिन् । कार्यक्रममा बुद्ध बोडिङ्ग स्कुलका शिक्षक शुवाष पौडेल, रामापुर मा .बि.का बिद्यालय ब्यबस्थापन समिति अध्यक्ष राम प्रसाद घिमिरे, पत्रकार भुवन जि.सी., बाल क्लवका सचिब आशिष देवकोटा, नमुना युवा क्लवका अध्यक्ष महेश अधिकारी, नजरकुमारी श्रेष्ठ लगायतले बोलेका थिए ।à