खोज

 रूपन्देहीमा पहिलोपटक पाँच नम्बर प्रदेशस्तरीय गजल प्रतियोगिता भएको छ । प्रदेश ५ का १२ वटा जिल्लाबाट सहभागी भएका मध्ये १० वटा उत्कृष्ट गजलकारलाई बाचनका लागि शुक्रबार बुटवल बोलाइएको थियो ।
शान्ति र समृद्धि केन्द्रित गजलमा रूपन्देहीका बिष्णु बिबश पोखरेल प्रथम,दाङका बसन्त वली बसन्ती द्वितिय, बुटवलका पुरुषोत्तम पाण्डे तृतिय, पाल्पाका भोजराज भट्राइ र गुल्मीका कृष्ण गाउँलेले सान्त्वना स्थान हासिल गर्दै क्रमश १० हजार, ५ हजार,३ हजार र जनही २—२ हजार नगद पुरस्कार र प्रमाणपत्र प्राप्त गरेका छन् । उनीहरूलाई बुटवल उपमहानगरपालिकाका प्रमुख शिबराज सुबेदी, बुटवल साहित्य कला संस्कृति प्रतिष्ठानका अध्यक्ष दीपक ज्ञवालीले पुरस्कार प्रदान गरे ।
सो अबसरमा बोल्दै नगरप्रमुख सुबेदीले साहित्य कला र संस्कृतिको उत्थानका लागि उपमहानगरले चालु आर्थिक बर्षका लागि २५ लाख बिनियोजन गरेको बताए ।
उनले प्रतिष्ठानलाई बृहत बनाउने गरि ऐन, नियम, बिधि बनाउने काम भैरहेको उल्लेख गरे । बिश्व शान्ति दिवसका अवसरमा आयोजित कार्यक्रममा निर्णायक मण्डलका संयोजब बूद राना, सदस्य रुद्र ज्ञवाली, प्रतिष्ठानका सचिव दल बहादुर गुरुङ लगायतले बोलेका थिए भने १ दर्जन स्रष्टाहरूले रचना वाचन गरेका थिए । गजल बिधालाई पनि परिवर्तनशिल,अग्रगामी र समाज रूपान्तरणको माध्यम बनाउन प्रतियोगिता आयोजना गरिएको बुटवल साहित्य कला संस्कृति प्रतिष्ठानका अध्यक्ष दीपक ज्ञवालीले बताए ।