खोज

लिटल प्रिन्स एण्ड प्रिन्सेस २०७५ को उपाधि बुटवलका सुयोग श्रेष्ठ र आकृति कंडेलले जितेका छन् । एड्भेन्ट नेपाल बुटवलले आयोजना गरेको लिटल प्रिन्स एण्ड प्रिन्सेस २०७५ मा २० जना प्रतिस्प्रर्धिलाई पछाडि पार्दै प्रिन्सतर्फ सुयोग र प्रिन्सेसतर्फ आकृतिले उपाधी हात पारेका हुन् । उपाधी विजेताले एक÷एक वटा साईकल, विभिन्न गिफ्ट हेम्परहरूसँगै म्यूजिक भिडियोमा खेल्ने अवसर पाउने भएका छन् ।
यस्तै प्रतियोगितामा प्रिन्सतर्फ सौर्या श्रेष्ठ र प्रिन्सेसतर्फ इच्छा प्रधान फस्ट रनरर्फ, प्रियन्स महर्जन र युना श्रेष्ठ सेकेण्ड रनरअफ, अर्गनाईजर च्वाईसमा अनिश कण्डेल र हिमानी शाक्य, फोटोजेनिकमा आनन्द घिमिरे र सैम्या बुढाथोकी, मल्टिमिडियातर्फ अनिश कण्डेल र आकृति कण्डेल, मस्ट कन्फिडेण्टमा काभ्याम देवकोटा र युनिभा श्रेष्ठ, मष्ट डिसिपिलीनमा सुयोग श्रेष्ठ र प्रान्जु श्रेष्ठ, बेष्ट हेण्डसममा उत्सव श्रेष्ठ र ब्यूटिफुलमा असिम थापा, मष्टक्रियटिभमा सौर्या श्रेष्ठ र इच्छा प्रधान, बेष्ट वाकमा सर्वेश ज्ञवाली र सवल श्रेष्ठ, भिवरच्वाईसमा सुयोग श्रेष्ठ र युना श्रेष्ठ विजयी भएका हुन् ।
एड्भेन्ट नेपालका अध्यक्ष विष्णु ज्ञवालीका अनुसार कार्यक्रममा बुटवल उपमहानगरपालिकाका उपप्रमुख गुमादेवी आचार्यले बालबालिकालाई विभिन्न खाले प्रतिभा बाहिर निकाल्न यस्ता कार्यक्रमले सघाउने बताएकी थिइन् ।
उनले बालबालिकाहरूको अन्तर निहित प्रतिभालाई बाहिर निकाल्न आवश्यक हुने उल्लेख गर्दै नगरपलिकाले पनि अहिले प्रतिभा बाहिर निकाल्ने खोजी प्रतिभा जस्ता कार्यक्रम संचालनको तयारीमा रहेको बताए । कोरियोग्राफर शुभेच्छा श्रेष्ठले कोरियोग्राफी गरेको कार्यक्रममा मोडल दिपक घिमिरे, जोडन राजभण्डारी, आयुस केसी र आशा कार्कीले निर्णायकको भूमिका निभाएका थिए । संचारकर्मी सुमन श्रेष्ठको संयोजनमा भएको कार्यक्रममा विभिन्न साँस्कृतिक प्रस्तुतिहरू पनि देखाइएको थियो ।