खोज

सञ्चारिका समुह लुम्बिनीको आयोजनामा बिहीवार बुटवलको पुष्पलाल पार्कमा बलात्कार विरुद्ध हस्ताक्षर संकलन अभियान सम्पन्न भएको छ ।
कार्यक्रममा बोल्दै संस्थाका अध्यक्ष अमृता अनमोलले पछिल्लो केहि समय यता धेरै महिला तथा बालिका माथि भईरहेको बलात्कारका घटनाहरूले समाजमा डरको अवस्था सृजना गरेको र छोरीहरू जुनसुकै स्थानका पनि असुरक्षित रहेको बताईन ।
उनले बलात्कार गर्ने जोसुकैलाई पनि आजीवन काराबासको सजाय हुनु पर्ने माग गर्दे सबै महिला दिदीको यो अभियानमा पुरुषको सहयोग जरुरी रहेको बताईन । बिहीबार संकलन गरिएको हस्ताक्षरहरूलाई आईतबार मुख्यमन्त्री शंकर पोखरेललाई बुझाईने बताईन ।
कार्यक्रममा बोल्दै पत्रकार महासंघ रूपन्देहीका अध्यक्ष यानेन्द्र जिसीले बलात्कारका घटनाहरूले समाज तताई रहेका बेलामा गरिएको हस्ताक्षर अभियानले सरकारलाई दबाव दिने भएकाले सबै क्षेत्रबाट बलात्कार विरुद्धमा आवाज उठाउनु पर्नेमा जोड दिए ।
उनले केही समय यता घटिरहेका यस्ता घटनाहरूका पीडितहरूले समयमै न्याय पाउनु पर्ने भन्दै त्यसका लागि पनि सबैले पहल गर्नुपर्ने बताए ।
पत्रकार महासंघ रूपन्देहीका उपाध्यक्ष निरु गौतमले बोल्दै बलात्कारीलाई आजीवन काराबासको सजाय सरकारले नतोक्दा सम्म यस्ता घटनामा कमि नआउने बताईन । कार्यक्रममा बुटवल महिला जेसिज, कदम नेपाल, सिद्धार्थ सामुदायिक समाज, अन्तरपाटी महिला सन्जाल लगायतका संघ संस्थाको सहभागिता रहेको थियो । हस्ताक्षर अभियानमा करिव एकहजार जनाले हस्ताक्षर गरेको कार्यक्रम संयोजक मिना ढकालले बताईन । 

बलात्कारीलाई मृत्युदण्डको सजायको माग
कावासोती, २१ भदौ–अन्तरपार्टी महिला सञ्जाल जिल्ला कार्य समितिले बिहीबार प्रेस विज्ञप्ती जारी गर्दै बलात्कारीलाई कानुन संशोधन गरी मृत्युदण्डको सजाय हुनु पर्ने माग गरेको छ ।
अन्तरपार्टि महिला सञ्जालले एक प्रेस विज्ञप्ती जारी गर्दै देशभर महिला तथा बालबालिका माथि हत्या, हिंसा र बलात्कारका घटना बृद्धि हुँदै गएकोले यस्ता खाले अपराधलाई न्यूनीकरणको लागी विभिन्न कदमहरू चाल्दै आएको पत्रकार सम्मेलनमा जानकारी गराएको छ । देशमा बढ्दै गइरहेको हत्या हिंसा, बलात्कार तथा यौन दुव्र्यवहार जस्ता जघन्य अपराधका कारण देश अधोगति तर्फ धकेलिएको बताउँदै अध्याक्ष अमृता सिग्देलले सरकारले दोषिलाई कारबाहीको दायरामा ल्याउन नसकेको बताएकी छिन् । पछिल्लो समय समाजमा महिला माथि विभिन्न प्रकारका हिंसा भैरहेकोले सबै पक्ष संवेदनशील भइ यस्ता विकृति हटाउनुपर्ने आवश्यकता रहेको समेत अध्यक्ष सिग्देलले पत्रकार सम्मेलनमा बताएकी छिन् ।