खोज

मानब बेचबिखनबाट जोगिन स्वयं व्यक्ति सचेत हुनुपर्नेमा एक कार्यक्रममा बोल्ने बक्ताहरूले जोड दिएका छन् । १२ औँ मानव बेचबिखन तथा ओसारपसारबिरुद्धको दिवसमा घोराहीमा आयोजित कार्यक्रममा बोल्ने बक्ताहरूले लोभ रमायाका कारण मानब बेचिने गरेको भन्दै सचेतता अपनाउनु नै बुद्धिमानी हुने बताएका हुन् ।
घोराही उपमहानगरपालिका, जिल्ला प्रहरी कार्यालय रसामुदायिक प्रहरी सेवा केन्द्रको अगुवाईमा दाङको घोराहीमा प्रभातफेरी समेत गरिएको छ । कार्यक्रममा घोराही उप महानगरपालिकाका प्रमुख नरुलाल चौधरीले विभिन्न प्रलोभनमा पारेरवेच्ने गरेका उदाहरणहरू देखिएको भन्दै छिट्टै बिश्वास गर्दा हुने घटनालाई रोक्न सचेतना नै मुख्य कुरा भएको बताए । प्रेम गर्ने बाहाना रविदेशमा पैसाको सपना देखाएरमहिलाहरूलाई ओसारपसारगर्ने उदाहरण रहेको भन्दै यसलाई रोक्न स्वयं व्यक्ति रराज्यका निकायलाई चलायमान बनाउनु पर्ने उनको भनाई छ । कार्यक्रमलाई सम्वोधन गर्दै प्रमुख जिल्ला अधिकारी गजेन्द्रबहादुरश्रेष्ठ, घोराही उप महानगरपालिकाका उपप्रमुख सीता सिग्देल न्यौपाने, प्रहरी प्रमुख कृष्णहरी शर्मा, सामुदायिक प्रहरी सेवा केन्द्रका सल्लाहकारभुपेन्द्र सुबेदीले बेचविखन रोक्नको लागि व्यक्ति चनाखो हुनुपर्नेमा जोड दिए । जोगिनका लागि विभिन्न प्रलोभनमा नपर्ने रराज्यका निकायहरू चनाखो भए मानव बेचबिखनलाई नियन्त्रण गर्न सकिने उनीहरूको भनाई छ । जिल्ला प्रहरी कार्यालय दाङका अनुसारवितेको आर्थिक बर्षमा ३ जना व्यक्ति माथि बेचविखनको मुद्धा परेको छ ।
उता तुलसीपुरमा मानव बेचबिखन तथा ओसारपसारबिरुद्धको अन्तराष्ट्रीय दिवसको अबसरमा जनचेतना मुलक नारा लेखीएका प्ले कार्ड सहित प्रभातफेरी कार्यक्रम गरिएको छ । प्रभातफेरी पछि आयोजना गरिएको कार्यक्रमलाई सम्वोधन गर्दै तुलसीपुरउप महानगरपालिकाका प्रमुख घनश्याम पाण्डेले मानव बेचविखन जघन्य अपराध भएको बताएका छन् । मानव बेचविखन रोक्नका लागि अभिभावकको भुमिका महŒवपूर्ण हुने भन्दै मेयरपाण्डेले परिवारमा असल संस्कारसिकाउनु पर्ने बताए । “पहिला भन्दा अहिले मानव बेचविखनमा कमि आएको छ तरघरपरिवारमा अभिभावकले सचेतना दिने हो भने यसको अन्त्य हुन्छ” मेयरपाण्डेले भने । अहिलेपनि कहि कतै मानव वेचविखनमा परेका कुराहरू सुन्नमा आएको बताउँदै मेयरपाण्डेले सुरक्षाका संयन्त्रहरू चनाखो हुनुपर्नेमा जोड दिएका छन् । त्यसैगरी कार्यक्रमलाई सम्बोधन गर्दै पाँच नं प्रदेशका प्रहरी प्रमुख प्रहरी नायब महानिरिक्षक शेरबहादुरबस्नेतले मानव ओसारपसारको मोडेल परिर्वतन भएको बताएका छन् । “पहिला महिलाहरूलाई कोठिमा लगेरवेचिन्थ्यो भने अहिले बैदेशिक रोजगारका नाममा बेच्ने गरेका छन्” बस्नेतले भने ।
कार्यक्रम सामुदायिक प्रहरी सेवा केन्द्र तुलसीपुरको आयोजना, इलाका प्रहरी कार्यालय तुलसीपुरको समन्वय तथा तुलसीपुरउप महानगरपालिकाको आर्थिक सहयोगमा भएको हो । तुलसीपुरको अरनीको मैदानबाट सुरु भएको प्रभातफेरी कार्यक्रम बजारका विभिन्न ठाउँ परिक्रमा गरिविपी चौकमा पुगी कोणसभामा कार्यक्रममा परिणत भएको थियो ।