खोज

स्मृति स्पोर्टस् क्लबको अध्यक्षमा पुनः महेश खनाल चयन भएका छन् । क्लबको दोस्रो अधिवेशनले खनालको अध्यक्षतामा नौ सदस्यीय कार्यसमिति समेत चयन गरेको छ । समितिका उपाध्यक्षमा उद्वव देवकोटा, सचिवमा रमेश न्यौपाने, सहसचिवमा सतिस सापकोटा र कोषाध्यक्षमा गोपाल ज्ञवाली निर्वाचित भएका छन् ।
यसैगरी सदस्यमा आशीष लम्साल र पर्वत विक रहेका छन् । दुई सदस्य पछि मनोनित गरिने बताइएको छ ।
क्लबको संरक्षकमा स्मृति बोर्डिङ् स्कुलका प्रबन्ध निर्देशक विष्णु ढकाल र प्रिन्सिपल हरि ज्ञवाली रहेका छन् । त्यसैगरी प्रमुख सल्लाहकारकमा अध्यक्ष उमाकान्त चापागाईं र सहप्राचार्य केशबहादुर गुरुङ र सल्लाहकारमा तुलसी प्रसाद सापकोटा, प्रेमबहादुर घर्ती, विजयकुमार सुनार र विष्णु थापा रहेका छन् ।
सो अवसरमा क्लबका संरक्षकद्वय विष्णु ढकाल र हरि ज्ञवाली, सल्लाहकार तुलसीप्रसाद सापकोटाले नवनिर्वाचित समितिलाई बधाई दिएका छन् । निर्वाचन पश्चात् बसेको नवनिर्वाचित समितिको बैठकले निकट भविष्यमा रक्तदान कार्यक्रम आयोजना गर्ने र क्लबको विधानलेखन र दर्ता गर्न उपाध्यक्ष उ्द्वव देवकोटा र खेलकुद् प्रतियोगिता आयोजना गर्न पर्वत विकलाई संयोजक तोकेको छ । वि.सं. २०७४ सालमा स्थापित सो क्लबले स्थापनाकालदेखि नै विभिन्न रचनात्मक र सामाजिक कार्यहरू गर्दै आइरहेको छ ।