खोज

काठमाडौंमा भएको ११ औं एलए/जेटए अन्तर मावि जुनियर खुल्ला च्याम्पियन २०१८ मा रुपन्देहीबाट विभिन्न उमेर समुहमा पदक विजेता खेलाडी तथा प्रशक्षिकलाई नगद सहित सम्मान गरिएको छ । रुपन्देही लन टेनिस संघले पदक विजेता खेलाडीहरु तथा प्रशिक्षकलाई नगदसहित सम्मान गरेको हो ।
प्रदेश नं. ५ का उद्योग, पर्यटन, वन र वातावरणमन्त्री लिला गिरीले सम्मान गर्दै सबै तहका सरकारबाट ईमान्दारीताका साथ खेल क्षेत्रको विकास गर्नुपर्ने बताए । उर्वरभूमि पाँच नम्बर प्रदेश खेल पर्यटनबाट समेत चिनिन सकिने सम्भावना रहेको भन्दै उनले ब्यक्तिगत स्वार्थभन्दा माथि उठेर खेलको विकासमा लाग्नुपर्ने बताए । खेललाई राष्ट्रको महŒवपूर्ण क्षेत्रका रुपमा लिएर विवादरहित बनाउनुपर्ने उनले बताए । कार्यक्रममा राष्ट्रिय तथा अन्तराष्ट्रिय प्रशिक्षक विकास खड्कालाई नगद ५ हजार रुपैया तथा स्वर्ण पदक विजेता खेलाडीलाई ३ हजार तथा रजक र कास्य पदक विजेतालाई २ हजारका दरले सम्मान गरिएको संघका अध्यक्ष अशोक गुरुङ्गले बताए ।
लिटल एन्जलस स्कुलको आयोजनामा हात्तीबन ललितपुरको टेनिस कोर्टमा भदौ ६ गते १३ गतेसम्म भएको आठ वर्षमुनिको उमेर समुहमा बुटवल पब्लिक वृजेस अर्यालले स्वर्ण पदक जित्न सफल भएका हुन् । यसैगरि सोही उमेर समूहमा न्यु होराईनका यमन राना रजत पदक जित्न सफल भएका छन । न्यु होराईजनकै योगेस ज्ञवाली कास्य पदक जित्न सफल भएका छन । यसैगरि १० वर्षमुनिको उमेर समुहमा न्यु होराईजनका रितेस ज्ञवालीले कास्य पदक जित्न सफल भएका छन । प्रतियोगितामा बुटवल पब्लिक, कालिका मावि र न्यु होराईजन माविका २० जना खेलाडीहरुले विभिन्न उमेर समुहको प्रतिस्प्रर्धा गरेका थिए । लन टेनिस क्लबका अध्यक्ष गोपाल ज्ञवाली, रुपन्देही जिल्ला खेलकुद विकास समितिका अध्यक्ष योग गुरुङ्ग, नेपाल पत्रकार महासंघका सल्लाहकार खिमानन्द भट्टराई, वडा नं. ११ का वडा अध्यक्ष रामचन्द्र खनालले खेलाडीहरुलाई सम्मानबाट हौसला दिएको बताए । प्रतियोगितामा ८, ९, १०, १२, १४ वर्षमुनिका समुहमा देशभरका २ सय ६८ जना खेलाडीहरुले विभिन्न ईभेन्समा प्रतिस्प्रर्धा गरेका थिए । काठमाडांै, भक्तपुर, ललितपुर, पोखरा, धरान, बिराटनगर, बुटवलका ७५ विद्यालयहरुबाट खेलाडीहरु सहभागी रहेका छन् ।