खोज

 गुल्मी धरमपानी घर भई हाल बुटवल निवासी लालमणि काफ्लेले आफ्नो विवाहमा हुने फजुल खर्चलाई घटाएर पुस्तकालयमा अक्षयकोष खडा गरेका छन् । सैनामैना–८ बासँगढीमा रहेको लुम्बिनी तिनाउ पुस्तकालय तथा स्रोत केन्द्रमा उक्त अक्षयकोष स्थापना गरेका हुन् ।
बैदेशिक रोजगारिपछि स्वदेशमै फर्कि स्वरोजगार भएका र अरूलाई पनि रोजगार दिन सफल भएका ब्यक्तिलाई प्रदान गर्ने गरि लालमणि फाउण्डेशन स्वरोजगार अवार्ड नाम दिई अक्षयकोष स्थापना गरेका हुन् । प्रत्येक बर्ष पुस्तकालयको बार्षिक उत्सवको दिन उक्त अक्षयकोषको रकम बितरण गर्ने गरिन्छ । २०७४ सालमा स्थापना भएको उक्त अक्षयकोषबाट २०७५ साल भदौ १५ गते पुस्तकालय दिवस पारेर सैनामैना वडा नंं. ११ बस्ने कृष्ण प्रसाद शर्मालाई सम्मान गरिएको छ । शर्मा बैदेशिक रोजगारीको शिलशिलामा ८ बर्ष लण्डन र ५ बर्ष कोरियाको बसाई पछि अहिले स्वदेशमै आई सैनामैना वडा नं. ११ मा शर्मा अपसेट प्रेस सञ्चालन गरि आफू लगायत ८ जनालाई रोजगार दिन सफल भएका छन् ।
२०७४ सालमा रु. ५० हजार १ सय पन्ध्रबाट स्थापना गरिएको उक्त अक्षयकोषको रकम बढाएर २०७५ सालमा १ लाख १ हजार १ सय पन्ध्र बनाइएको छ । अक्षयकोष रकमको ब्याजबाट प्रत्येक बर्ष एक जनालाई सम्मान गरिँदै आएको छ । उक्त अक्षयकोषका संरक्षक लालमणि काफ्ले तिलोत्तमा नगरपालिका नयाँमिल बस्ने प्रकृति पाण्डेसँग २०७३ साल माघ १९ गते बैवाहिक बन्धनमा बाँधिएका थिए । काफ्ले अहिले बैदेशिक रोजगारिको शिलशिलामा कोरिया बस्दै आएका छन् ।à