खोज

“अलुम्नाई एशोएिशन राममणि एवम् फ्लायर्सकप दोस्रोे खुल्ला बास्केटबल प्रतियोगिता–२०७५” को उपाधी सह–आयोजक फ्लायर्स गु्रपको समूह “ए” ले जितेको छ, भने सैनामैना बास्केटबल ग्रुप उपविजेता बनेको छ । अलुम्नाई एशोसिएशन राममणि बहुमुखी क्याम्पसका अध्यक्ष गणेश पाठकका अनुसार कार्यक्रममा विजयी तथा उपविजयी र सहयोगी सबैलाई तिलोत्तमा नगरपालिकाका नगरप्रमुख वासुदेव घिमिरेले पुरस्कार प्रदान गरको थिए । कार्यक्रममा क्याम्पस सञ्चालक समितिका अध्यक्ष रोमणीप्रसाद पाठक, क्याम्पस प्रमुख मोहनराज शर्मा, लगायतले शुभकामना मन्तव्य राखेका थिए । विजयी हुँदै फ्लायर्सले नगद तीस हजार रूपियाँ सहित शील्ड, मेडल र प्रमाणपत्र हात पारेको छ । त्यस्तै प्रतियोगिताको उपविजेता सैनामैना बास्केटबल ग्रुपले नगद बीस हजार रूपियाँ सहित शील्ड, मेडल र प्रमाणपत्र प्राप्त गरेको छ । विजयी समूहका टिम क्याप्टेन श्याम थापा र उपविजयी समूहका टिम क्याप्टेन सुमित छन्त्याल सहितको टिमलाई प्रतियोगिता समापनसँगै पुरस्कृत गरिएको थियो । फ्लायर्स गु्रपका कार्यवाहक अध्यक्ष दुर्गा रानाका अनुसार कार्यक्रममा रेफ्रीहरू सम्राट भट्टचन, मनोज गुरूङ्, दिलबहादुर गुरूङ् र उत्कृष्ट खेलाडी फ्लायर्स गु्रपका प्रकाश गुरूङ्लाई विशेष सम्मानित गरिएको थियो ।