खोज

बुधवारदेखि गुल्मीमा संचालन भएको माध्यमिक विद्यालय स्तरीय खुल्ला महिला फुटवल प्रतियोगिताको उपाधी सिद्धबाबा माध्यमिक विद्यालयले हात पारेको छ । सदरमुकाम तम्घास स्थीत चिदिचौर खेल मैदानमा सनिवार सम्पन्न फाईनल खेलमा सिद्धबावा माध्यमिक विद्यालयले उपल्लो तम्घास माध्यमिक विद्यालयलाई सून्यका विरुद्ध तीन गोल गरि उपाधि हात पारेको हो । प्रतियोगितामा उपल्लो तम्घास मावि दोश्रो बनेको छ ।
स्थानीय पुल्चोक स्पोर्टस क्लवको आयोजनामा संचालन गरिएको उक्त प्रतियोगितामा उत्कृष्ट खेलाडिको उपाधि आदर्श विद्याश्रमकी मनिषा सेन र उत्कृष्ट गोल्कीपरको उपाधि महेन्द्र नमुना माविकी सरस्वती पोख्रेलले हात पारेकी छन् । त्यसैगरि खेल अवधिभर सबै भन्दा बढी गोल गर्ने आदर्श विद्याश्रमकी मनिषा सेन र बेष्ट डिफेण्डर सिद्धबाबा माविकी ऐश्वर्या बमरेल रहेका छन् । उनीहरूलाई आयोजकको तर्फवाट मेडल र प्रमाणपत्रले सम्मान गरिएको थियो ।
त्यसैगरि अनुशासित खेलाडिको उपाधि उपल्लो तम्घास माविले प्राप्त गरेको छ । खेल अवधिभर निकै अनुशासित पुर्वक खेल खेलेर उनीहरूले आम दर्शकहरूको मन जित्न सफल बनेका थिए । प्रतियोगितामा प्रथम र द्वितीय हुने विद्यालय र खेलाडीहरूलाई कार्यक्रमका प्रमुख अतिथि जनमत कार्कि र विषेश अतिथि भुवन प्रासद श्रेष्ठले नगद सहित मेडर, प्रमाणपत्र र ट्रफीले सम्मान गरेका थिए ।
सदरमुकाम तम्घास स्थीत चिदिचौर खेल मैदानमा लामो समयपछि संचालन गरिएको उक्त महिला फुटवल प्रतियोगिता हेर्नका लागि सनिवार पनि दिनभर दर्शकहरूको निकै भिड लागेको थियो । प्रतियोगितामा जिल्ला भित्रका माध्यमिक विद्यालय तर्फका ११ वटा विद्यालयका छात्राहरूको सहभागिता रहेको थियो ।