खोज

काठमाडौंमा संचालन भएको ११ औं एलए÷जेटए अन्तर मावि जुनियर खुल्ला च्याम्पियन २०१८ मा रुपन्देहीबाट विभिन्न उमेर समुहमा पदक विजेता खेलाडी तथा प्रशिक्षकलाई नगद सहित सम्मान गरिएको छ ।
बुटवल लन टेनिस क्लबले प्रतियोगितामा सहभागी भएर पदक विजेता खेलाडीहरु तथा प्रशिक्षकलाई नगदसहित सम्मान गरेको हो । लन टेनिस खेल र खेलाडीको विकासका लागि स्थापना भएअनुसार छोटो समयमा नै बुटवलका खेलाडीहरुले राष्ट्रिय स्तरमा पदक जित्न सफल भएको हो ।
प्रदेश नं. ५ का प्रदेशका सामाजिक विकासमन्त्री सुर्दशन बरालले प्रशिक्षक विकास खड्कालाई नगद २० हजार तथा स्वर्ण पदक विजेता खेलाडीलाई ५ हजार तथा रजक र कास्य पदक विजेतालाई ३ हजारका दरले सम्मानित गरे । कार्यक्रममा मन्त्री बरालले प्रदेश ५ लाई खेल क्षेत्रबाट पहिचान बनाउने गरि भौतिक पूर्वाधारमा सरकारले जोड दिने बताए ।
लिटल एन्जलस स्कुलको आयोजनामा हात्तीबन ललितपुरको टेनिस कोर्टमा भदौ ६ गते १३ गतेसम्म भएको आठ वर्षमुनिको उमेर समूहमा बुटवल पब्लिक वृजेस अर्यालले स्वर्ण पदक जित्न सफल भएका हुन ।
यसैगरि सोही उमेर समुहमा न्यु होराईनका यमन राना रजत पदक जित्न सफल भएका छन । न्यु होराईजनकै योगेस ज्ञवाली कास्य पदक जित्न सफल भएका छन । यसैगरि १० वर्षमुनिको उमेर समूहमा न्यु होराईजनका रितेस ज्ञवालीले कास्य पदक जित्न सफल भएका छन । दुई वर्षको अवधिमा सिकेका ज्ञानले आफनो क्षमता देखाउन सफल भएको उनले प्रशिक्षक विकास खड्काले बताए ।
नियमित, निरन्तर र लगावका साथ अभ्यास भएकाले बुटवलका खेलाडीहरुले पदक जित्न सफल भएका उनले बताए । अन्तर्राष्ट्रियस्तरको खेल प्रर्दशन गर्न सक्ने क्षमताका खेलाडीहरु तयार भएको उनले बताए । बुटवल पब्लिक, कालिका मावि र न्यु होराईजन माविका २० जना खेलाडीहरुले विभिन्न उमेर समूहको प्रतिस्प्रर्धा गरेका थिए । लन टेनिस क्लबका अध्यक्ष गोपाल ज्ञवालीले पछिल्लो दुई वर्षदेखि जिल्लाबाहिरको राष्ट्रिय प्रतियोगितामा खेलाडीहरुले उपलब्धि हासिल गर्दै आएको बताए ।
प्रदेशमा नै पहिलो लन टेनिस कोर्ट बनाएर क्लबले निरन्तर खेल पर्यटन विकासमा योगदान दिएको बताए । क्लबमा हाल २५ जना खेलाडीहरु प्रशिक्षण लिँदै आएका छन । काठमाडांैमा भएको प्रतियोगितामा ८, ९, १०, १२, १४ वर्षमुनिका समुहमा देशभरका २ सय ६८ जना खेलाडीहरुले विभिन्न ईभेन्समा प्रस्प्रर्धा गरेका थिए । काठमाण्डौ, भक्तपुर, ललितपुर, पोखरा, धरान, बिराटनगर, बुटवलका ७५ विद्यालयहरुबाट खेलाडीहरु सहभागि रहेका छन । कार्यक्रममा रुपन्देही जिल्ला खेलकुद विकास समितिका अध्यक्ष योग गुरुङ्ग, औद्योगिक सुरक्षा गुल्मपति शस्त्र प्रहरी नायक उपरिक्षक गम बहादुर कुवँरले खेलाडीहरुलाई सम्मानबाट हौसला दिएको बताए ।à