खोज

सुस्ता वचाउ अभियान नवलपरासीले सुस्ताको समस्याहरूलाई सम्वोधन गर्न माग गर्दे प्रदेश ५ का मुख्यमन्त्री शंकर पोखरेललाई बिहीबार ज्ञापन पत्र वुझाएको छ । अभियानका अध्यक्ष गोपाल प्रसाद गुरुङको नेतृत्वमा आएको प्रतिनिधिमुलक टोलीले मुख्यमन्त्री पोखरेललाई निवासमै पुगेर ज्ञापन पत्र वुझाएको हो । उनिहरूले प्रदेश सभा सदस्य तुलाराम घर्तिलाई समेत लिएर मुख्यमन्त्रीकहाँ डेलिगेशन गएका थिए ।
ज्ञापन पत्रमा भारतले सिमा मिच्दै गएको त्यसको विरोध गर्दा नेपाल भारत आवागमन नै वन्द गरेको भन्दै निकासको लागि प्रदेश सरकारसँग आग्रह गरिएको छ । सुस्ता गाउँपालिका वडा नं. ५ सुस्ताका स्थानिय बजारको लागि भारतिय सिमावर्ति वजार भेडेहारी जानु पर्ने बाध्यता छ । भारतिय सिमा सुरक्षा बलका अधिकारीहरूले भारतमा जाने वाटो बन्द गरिदिएको कारण बजार गर्नबाट समेत वन्चित हुनु परेको ज्ञापन पत्रमा उल्लेख छ ।
सुस्ताबाट भारत विहार चन्दाहवा हँुदै विनयी त्रिवेणी गाउँपालिका ६ रानीनगरमा अवस्थित विद्यालयमा पढ्न जाने विद्यार्थीहरूको पठन पाठन प्रभावित भएको सुस्ता बचाऔं अभियान्ता मुन्ना खाले जानकारी दिए । ‘वोर्डरमा खाडल खनी सडक अवरोध भएको छ ।’ उनले भने– हामीले खाडल पुरेका छौ तर पनि बजार गर्ने जानेहरूलाई दुख दिने कुटपिट रोकिएको छैन ।’ सुस्ताबासीले नारायणी नदीमा छिटो झोलुङगे पुल निर्माण गरिदिन माग गरेका छन । वि.सं. २०७२ सालमा त्रिसुली मृत संजिवनी कन्स्ट्क्सन काठमाडौले ठेक्काको जिम्मा लिएपनि अहिले सम्म निर्माण पुरा नभएकाले ठेक्का खारेज गरी तत्काल अर्काे ठेक्का लगाई पुल निर्माण गर्न प्रदेश सरकार संग माग गरिएको छ । सुस्तावासी २०६२ सालदेखि सुस्ता वचाउने अभियानमा लागेका छन । २०२९ मा भएको नापअनुसार सुस्तामा ४० हजार ९ सय ८० हेक्टर क्षेत्रफल नेपाली भूमि रहेकोमा अहिले साढे ७ हजार मात्र बचेको अध्यक्ष गुरुङले बताए । भारतिय सिमा सुरक्षा वलको आडमा भारतिय नागरिकहरूले प्रत्येक वर्ष नेपाली भूमित अतिक्रमण गर्दे आएको उनले बताए । सुस्तामा २ सय ६५ घर धुरी रहेको छ । जहा ३ हजार १ सय ३३ जनसंख्या रहेको छ । यसैबीच मुख्य मन्त्रि पोखरेलले सुस्ताको पिडावारे आफू जानकार रहेको बताउँदै ततकाल पुलको कामलाई सुचारु गर्न संघिय सरकारको ध्यानाकर्षण गराउने बताए । दुई देशको सिमानाको विषय प्रदेश सरकारको नभएकाले संघिय सरकारले हेर्ने विषयमा आफूले केही गर्न नसक्ने बताएका थिए । à