खोज

बुधवारदेखि गुल्मीमा माध्यमिक विद्यालय स्तरीय खुल्ला महिला फुटवल प्रतियोगिता शुरु भएको छ । सदरमुकाम तम्घास स्थित चिदिचौर खेल मैदानमा संचालन भएको उक्त खुल्ला महिला फुटवल प्रतियोगितामा जिल्ला भित्रका माध्यमिक विद्यालयतर्फका ११ वटा विद्यालयका छात्राहरूको सहभागिता रहेको छ ।
स्थानीय पुल्चोक स्पोर्टस क्लवको आयोजनामा संचालन गरिएको उक्त प्रतियोगिताको वुधवार सम्पन्न खेलको पहिलो चरणमा सिद्धवावा माध्यमिक विद्यालयर ब्रिलीयण्ट माध्यमिक विद्यालय विच प्रतिस्पर्धा भएको थियो । उक्त प्रतिस्पर्धामा सिद्धवावा माध्यमिक विद्यालयले ब्रिलीयण्ट माध्यमिक विद्यालयलाई सून्यका विरुद्ध तीन गोल गरेको थियो ।
त्यसैगरि दोश्रो चरमा आदर्श विद्याश्रम माध्यमिक विद्यालय र रेसुंगा बहुमुखी क्याम्पसका छात्राहरू वीच प्रतिस्पर्धा भएको थियो । उक्त खेलमा आदर्श विद्याश्रमले रेसुंगा वहुमुखि क्याम्पसलाई एकका विरुद्ध तीन गोल गरेको थियो । बर्षायामको झरिमा पनि छात्राहरू निकै उत्सुकताका साथ खेलमा रमाई रहेका देखिन्थे भने छात्राहरूको फुटवल खेल हेर्नका लागि दर्शकहरू पनि पानी र झरी नभनि छाता ओढेर खेल हेर्दैै खेलाडीहरूलाई हौसला प्रदान गरिरहेका थिए ।
शनिवार सम्पन्न हुने उक्त प्रतियोगिता अन्तर्गत बिहीवार बुद्ध माविर अर्जुन वोर्डिङ्ग हाईस्कुल, उपल्लो तम्घास र गण्डकी वोर्डिङ्ग र रिडर्स पब्लीक हाईस्कुल खानीगाउँ र रेसुंगा मावि उदीनढुंगा वीच प्रतिस्पर्धा हुने छ । बुधवार सम्पन्न खेलमा सिद्धवावा माविकी अस्मिता सुनार र गण्डकी माविकी मनिषा सेन उत्कृष्ट खेलाडी घोषित भएको क्ल्वका अध्यक्ष नविन श्रेष्ठले बताए ।
उक्त महिला फुटबल प्रतियोगिताको उद्घाटन गर्दै रेसुंगा नगरपालीकाकी उपप्रमुख सिता भण्डारीले यस्ता प्रकारका खेलको आयोजनावाट समाजमा महिलाहरूले पनि अवशर पाएमा खेल क्षेत्रमा पनि केही गर्न सक्दछन् भन्ने चेतनाको विकास हुनुका साथै उनीहरूलाई आत्मविश्वास बढ्दै जाने धारणा व्यक्त गरेकि थिईन् ।