खोज

बुटवलमा भएको मधुमेह बिरुद्ध जनचेतना जगाउने उद्देश्यका साथ आयोजना गरिएको दौडमा लायन्स क्लब अफ मणिमुकुन्द युथका शिव बोटे प्रथम भएका छन् । लायन्स क्लब अफ बुटवल मणिमुकुन्द, लायन्स क्लब अफ बुटवल युथ, लायन्स क्लब अफ बुटवल मणिउजेस, लियो क्लब अफ बुटवल मणिमुकन्दको आयोजनामा भएको आठ किलोमिटरको दौडमा अन्य प्रतियोगिहरूलाई पछि पार्दै पुरुषतर्फ बोटे प्रथम भएका हुन । प्रतियोगितामा नेपाली सेनाका नवराज जोशी द्धितिय र सेनाकै भिमसेन चौलागाईं तृतिय भएका छन ।
महिलातर्फ नेपाली सेनाका दीपा कुमारी ओली प्रथम, रितु गुरुङ्ग द्धितिय र सोनाली गुरुङ्ग तृतीय भएका छन् ।
एक कार्यक्रमका बिच लायन्स क्लब अफ बुटवल युथका अध्यक्ष अशोक गुरुङ्ग, डिष्ट्रिक गर्भनर सुनिल वझा, डिष्ट्रिक एडभाईजर अर्जुनमान सैजुले बिजेता खेलाडीहरूलाई नगद, मेडल तथा प्रमाणपत्रबाट पुरस्कृत गरेका थिए । विहानै देखि झरीका कारण ढिला शुरु भएको कार्यक्रममा सहभागीहरू ट्राफिक चोकबाट योगीकुटी पुगेर पुनः ट्राफिक चोकमा समापन गरिएको थियो । लायन्स क्लब अफ बुटवल मणिमुकुन्दका अध्यक्ष हरिशंकर गुप्ताले मुधमेह भयाभव रूपमा देखा परेको भन्दै यसबाट बच्न दैनिक खानपिनमा परिवर्तन गर्न जरुरी रहेको बताए ।à