खोज

दोस्रो तिलोत्तमा प्रिमियर लिग क्रिकेट प्रतियोगिता २०७५ को अक्सनमा २ सय ६० जना खेलाडीहरूले आवेदन दिएका छन् ।  तिलोत्तमा क्रिकेट विकास समितिले बुधबार पत्रकार सम्मेलनको आयोजना प्रतियोगितामा राष्ट्रिय, क्षेत्रिय, जिल्ला र विद्यालयस्तरका खेलाडीहरूले आवेदन दिएको बताएको हो । समितिका अध्यक्ष अच्युतराज ढुङ्गानाले दोस्रो संस्करणमा आठ वटा टिमका खेलाडीहरूको छनौटका लागि अक्सन भाद्र ३० गते गरिने बताए । प्रतियोगिताका सिईओ दीपक भुर्तेलले लिगमा पहिलो संस्करणका ४ र नयाँ ४ टिम गरि आठ टिमको भिडन्त हुने बताए । यसैबीच आठ टिमलाई समितिले सम्मान तथा परिचयात्मक कार्यक्रम गरेको छ । कार्यक्रममा एसआर एनएससिए टाईगर्सका सुरज उप्रेती, ज्ञानोदय गोल्डका उमेश गैरे, नुसी वरियर्सका शान्ता सापकोटा, लुम्बिनी कसाई शाक्य ग्रेडियर्सका रंजित कुमार, रोयल च्यालेन्जरका विजय कर्ण, मणिग्राम किङ्गका अर्जुन कुमार मल्ल र बुटवल क्रिकेटर्सका निरजप्रताप खाँडको उपस्थिति रहेको थियो । यसैबीच समितिले प्रतियोगिताका अवधिका लागि ईभेन्ट एम्बेस्डर र प्राविधिक प्रमुख घोषणा गरेको छ । लोकदोहरी गायीका प्रिया भण्डारीलाई प्रतियोगिताको ईभेन्ट एम्बेस्डर र प्राविधिक प्रमुख रामचन्द्र पाण्डेलाई घोषणा गरेको हो । प्रतियोगिता कार्तिक २६ गते शुरु हुने छ । तिलोत्तमा नगरपालिका वडा नम्बर ६ स्थित नवजिवन क्लवको खेल मैदानमा हुने प्रतियोगिताको बिजेताले नगद ३ लाख सहित ट्रफि, मेडल र प्रमाणपत्र प्राप्त गर्नेछन भने उपबिजेताले १ लाख ५० हजार सहति ट्रफि, मेडल र प्रमाणपत्र प्राप्त गर्ने छन ।