खोज

गुल्मी, २९ असोज
गुल्मीमा जिल्ला सुरक्षा समिति गुल्मीले ३५ वटा मतदानस्थललाई अति संवेलनशील सूचीमा राखेको छ । मंशिर ४ गते हुन लागेको प्रतिनिधि सभा एवं प्रदेश सभा निर्वाचनमा गुल्मीमा १ सय ४२ मतदानस्थलहरु मध्य ३५ वटा मतदानस्थलहरु अति संवेदनशील सूचीमा राखिएको गुल्मीका प्रमुख जिल्ला अधिकारी पुण्यबिक्रम पौडेलले बताए ।
जिल्ला सुरक्षा समितिका संयोजक समेत रहेका पौडेलले विगतको दलीय ईतिहास, भौगालिक अवस्था, प्रतिस्पर्धाको स्तर, दूरी, पुर्वाधार लगायतका विषयलाई आधार मानेर सूचि मापन गरिएको जानकारी गराए । सुरक्षा समितिले १ सय ४२ मतदानस्थल मध्य जिल्लामा ३५ अति संवेदनशील, ६७ संवेदनशील र ४० स्थललाई सामान्य सूचीमा राखेको छ ।
दुई नगरपालिका सहित १२ वटा स्थानीयतह रहेको गुल्मीमा २ सय ७८ मतदान केन्द्रहरु रहेका छन । जिल्लाको क्षेत्र नं. १ मा ८१ मतदानस्थल र १ सय ५० मतदानकेन्द्र रहेका छन भने क्षेत्र नं.२ मा ६१ मतदानस्थल र १ सय २८ मतदान केन्द्र रहेको जिल्ला निर्वाचन कार्यालय गुल्मीकी निर्वाचन अधिकारी मायाँ कुँवरले बताईन ।
कुल २ लाख २३ हजार ६ सय १५ मतदाता संख्या रहेको यस जिल्लाको क्षेत्र नं. १ मा १ लाख १९ हजार २ सय ८८ र क्षेत्र नंं.२ मा १ लाख ४३ हजार २७ मतदाता संख्या रहेको जिल्ला निर्वाचन कार्यालयले जनाएको छ । जिल्ला निर्वाचन कार्यालयले दिएको तथ्याङ्क अनुसार यस पटक पनि गुल्मीमा पुरुष मतदाताहरु भन्दा महिला मतदाताको संख्या ती हजार १७ ले बढी रहेको छ ।