खोज

कास्कीको पोखरामा सम्पन्न प्रदेश नम्बर ४ र ५ स्तरीय बडिबिल्डिङ्ग प्रतियोगिता एनएफबीएफ फष्ट मिष्टर पोखराको पहिलो संस्करणको ६० केजी तौल समुहमा कपिलवस्तुका सुरेन्द्र प्रसाद वर्मा तेस्रो भएका छन । तौलिहवा स्थित एमएनएस जिम क्लबका खेलाडी वर्मालाई सो स्थान हासिल गरे सगै नगद ५ हजार, शिल्ड र प्रमाणपत्र प्रदान गरिएको छ । वर्माले यस अघि मिस्टर कपिलवस्तुको उपाधि जितेका थिए भने बुटवल श्री प्रतियोगिता र मिस्टर माछापुच्छ्रेको ५५ केजी तौलमा उनी प्रथम भएका थिए । छोटो समयको प्रशिक्षणमा समेत वर्माले महत्वपुर्ण उपलब्धी हासिल गर्नु खुसीको बिषय भएको एमएनएस जिम क्लबका सञ्चालक मनिश कार्कीले बताए । पोखरा सिटी हलमा कास्की बडिबिल्डिङ्ग एन्ड फिट्नेस संघको आयोजनामा सम्पन्न खेलमा फष्ट मिष्टर पोखराको उपाधि मनोज के.सी.ले उचालेका छन् । ६५ केजी तौल समूहका उनले ओभरअलमा अन्य पाँचवटा तौल समूह (५५,६०,६५,७०,७५ र ७५ं)का विजेतालाई पछाडि पार्दै पहिलो संस्करणको प्रथम एनएफबीएफ मिष्टर पोखराको उपाधी हात पारेका हुन । उनलाईटाईटल सहित नगद ५० हजार रुपैयाँ, शिल्ड र प्रमाणपत्र प्रदान गरिएको हो । सम्पन्न प्रतियोगितामन प्रदेश नम्बर ४ र ५ का बिभिन्न तौल उमेर समुहका ५७ जना खेलाडी हरु को सहभागी रहेको थियो ।