खोज

बुटवल क्रिकेट विकास समितिको साधारण सभा तथा अधिवेसनले नेत्र पौडेलको अध्यक्षतामा नया नेतृत्व चयन गरेको छ ।
शनिबार बुटवलमा भएको अधिवेसनमा अध्यक्ष पदका लागि अध्यक्ष गंगाराम सुनार र कोषाध्यक्ष नेत्र पौडेल चुनावी मैदानमा उत्रेका थिए ।
मतदानमा नवनिर्वाचित अध्यक्ष पौडेल आगामी दुईवर्षे कार्यकालका लागी निर्वाचित भएका हुन । नवनिर्वाचित अध्यक्ष पौडेलले यस क्षेत्रको भौतिक पूर्वाधारमा संस्थागत पहल थाल्ने प्रतिवद्धता जनाए । खेलमैदानको अभावमा खेलको स्तर विकास हुन नसकेको भन्दै उनले पहिलो प्राथमिकतामा भौतिक पूर्वाधार भएको उनले बताए ।
कार्यक्रमको उद्घाटन गर्दै क्रिकेटप्रेमी रोमित बज्राचार्यले भौतिक पूर्वाधारका लागि सबैको पहल जरुरी रहेको बताए । क्रिकेट खेलले अन्तराष्ट्रियस्तरमा फड्को मारेपनि स्थानिय स्तरमा पूर्वाधार विकासमा पछि रहेको गुनासो गर्दै स्थानिय सरकारको सहकार्य जरुरी रहेको उनले बताए ।
कार्यक्रममा सचिव निरजप्रताप खाडले विसं. २०७० सालमा स्थापना भएको समितिको पछिल्लो समयमा खेल गतिविधि सुस्ताउदा नया र उर्जावान खेलाडीहरु उत्पादन हुन नसकेको बताए । कार्यक्रममा संस्थापक अध्यक्ष गंगाराम सुनारले भौतिक पूर्वाधारका लागि विगत लामो समयदेखि पहल थालेपनि उपलब्धि हासिल नभएको गुनासो गरे । पटकपटक स्थानिय सरकारलाई क्रिकेट मैदान बनाउने स्थान उपलब्ध गराउन धर्ना, निवेदन दिएपनि सुनुवाई नभएको उनले बताए ।
तिलोत्तमा क्रिकेट विकास समितिका सिईओ दिपक भु्रतेलले राष्ट्रिय टिमका धेरै खेलाडी उत्पादन गरेको रुपन्देही सम्भावना बोकेको भएपनि पूवार्धार विकासमा सरकारको ध्यान नगएको गुनासो गरे । स्थानिय खेलप्रेमीहरुको सहयोगबाट क्रिकेट अहिलेको अवस्थामा रहेको उनले बताए । कार्यक्रममा खेलाडीहरु भुवन पाण्डे, उमेश श्रेष्ठ, पुनित पोखरेलले खेल विकासमा सबैबाट सहयोग जरुरी रहेको बताए ।