खोज

रुपन्देहीको मात्र नभएर राष्ट्मै नाम कमाउदै गएको विद्यालयको रुपमा कान्ति माध्यमिक विद्यालय, बुटवल परिचित छ । विद्यालयमा समुदायको आकर्षण बढ्दै जाँदा प्रत्येक वर्ष विद्यार्थीको चाप बढद्ै जादा थप विद्यार्थी भर्ना गर्नका लागि विद्यालयलाई हम्मेहम्मे हुँदै गएको छ । विद्यालयले अहिले लुम्बिनी प्रदेश सरकार र संघीय सरकारको संयुक्त लगानीमा सुविधासम्पन्न विद्यालय भवन र छुट्टाछुट्टै दुई वटा छात्र र छात्राको छात्राबास निर्माण गरिरहेको छ ।

उक्त विद्यालयको विद्यालय व्यवस्थापन समितिको अध्यक्षको जिम्मेवारीमा हेमानन्द शर्मा छन् । काममा निरन्तर खट्ने शर्मा विद्यालयलाई कसरी भौतिक रुपमा सवल बनाउने बिषयमा चिन्तित देखिन्छन अनि काम पनि गरिरहेका छन् । प्रस्तुत छ, शैक्षिक र अतिरिक्त क्रियाकलापका माध्यमबाट कसरी विद्यार्थीमा सिकाइ भर्ने भन्ने मुद्दामा विद्यालयलाई केन्द्रित गर्ने प्रतिबद्दता जनाएका शर्मासँग बुटवल टुडेले गरेको कुराकानीको सारसंक्षेप,

कान्ति माध्यमिक विद्यालयलाई कसरी चिनाउनु हुन्छ ?
हाम्रो सामुदायिक विद्यालय हो । शिक्षाको गुणस्तरमा विस्तारै विस्तारै अघि बढिरहेको विद्यालय हो । शिक्षामा मात्र नभएर अतिरिक्त क्रियाकलापमा पनि अरु विद्यालयसँग प्रतिप्रर्धामा रहेको विद्यालय पनि हो ।

कान्ति मावि देशमै उत्कृट विद्यालय मध्येमा हो भनेर पनि परिचित छ । यसो हुनुमा विद्यालयको शैक्षिक र अतिरिक्त क्रियाकलापका गतिविधिले महत्व राख्दछ भन्ने मलाई लाग्दछ । विद्यालयमा सबै खालका बालबालिकाको पहुँच छ । हामीले सबैलाई समेट्ने प्रयासमा छौ । तर पनि विद्यालयको भौतिक संरचना अपुग हुँदा धेरै विद्यार्थीहरु यहाँ आएर पनि अध्ययन गर्न सक्नु भएको छैन ।

हामीले शिक्षक, विद्यार्थी र अभिभावकको चाहनालाई व्यवस्थापन समितिले बुझेर सहकाय गर्ने गरेका छौ । त्यसैको फलस्वरुप हुनुपर्छ हामी समुदायको रोजाईमा पर्दै गएका छौं । हामीले पछिल्लो समयको आवश्यकतालाई बुझेर अध्ययन गराईरहेका छौ । हामीले अनुशासित, योग्य र राष्ट्रका लागि चाहिने विद्यार्थी उत्पादन गर्ने विद्यालयको रुपमा हाम्रो विद्यालयलाई चिनाउन चाहान्छु ।

विद्यालयलाई राम्रो बनाउन व्यवस्थापन समितिको भुमिका कस्तो हुन जरुरी छ ?
विद्यालयका लागि व्यवस्थापन समिति भनेको एउटा अंग हो । यसले काम गर्न सकेन भने विद्यालय सफल हुन सक्दैनन् । त्यसैले पनि व्यवस्थापन समितिको भुमिका भेरै रहन्छ । विद्यालयलाई कसरी भौतिक रुपमा सम्पन्न बनाउने ? शिक्षक कर्मचारीकालाई कसरी उत्कृष्ट काम गर्न सक्ने बनाउने ? भन्ने पनि व्यवस्थापन भित्र पर्दछन् । हामीले पनि विद्यालयलाई सबल बनााउन धेरै किसिमका योजानाहरु बनाएर काम गरिरहेका छौ । त्यसमा शिक्षक कर्मचारी अभिभावक सबैको साथ बलियो छ ।

विद्यालयको राम्रा पक्षको विकास कसरी गर्नुभयो ?
हामीले पहिलो कुरा विद्यालयका भौतिक संरचनादेखि शिक्षक कर्मचारीको क्षमतालाई विकासमा जोड दिएका छौ । शिक्षकहरुलाई विभिन्न समयमा तालिम गोष्ठीको आयोजना गरेर सकारात्मक उर्जा प्रदान गर्ने । हाम्रो विद्यालयमा व्यवथापन समिति, शिक्षक र अभिभावको साझा उद्देश्य विद्यालयलाई कसरी राम्रो बनाउन सकिन्छ भन्ने विषय छलफलबाट निष्कर्ष निकालेर काम गर्ने वातावरण छ । त्यसै गरी विद्यार्थीलाई कसरी राम्रो शिक्षा दिएर भोलीका दिनमा देशलाई चाहिने जनशक्ति उत्पादनमा हाम्रो जोड रहन्छ र हामी त्यसमा प्रयत्नशील छौं ।

विद्यालयको तहगत सिकाई उपलब्धीको समिक्षा गर्दा कुन विषयको समिक्षा गर्दा कुन विषय राम्रो र कुन विषय कमजोर देखिएको छ ?
हाम्रो विद्यालयमा त्यस्तो कमजोर विषय भन्ने खासै छैनन् । तर पनि संमग्र शिक्षा प्रणाली हेर्दा हाम्रो विद्यालयमा पनि अंग्रेजी, गणित विषय र विज्ञानमा सुधार गर्नुपर्ने पक्षहरु छन् नै । त्यसलाई पनि व्यवस्थापन समितिले शिक्षकहरुलाई विद्यालयको समय भन्दा पनि बढि समय दिएर भए पनि सिकाई उपलब्धीलाई बढाउनमा सहयोग गर्ने वातावरण बनाएका छौ । त्यस काम बापतको हामीले शिक्षकलाई सन्तुष्ट बनाएका छौ । त्यसका साथै शिक्षकहरुले विद्यार्थी कुन विषयमा कमजोर छ । उनिहरुका अभिभावकलाई जानकारी गराएर घरमा पनि सिकाईको वातावरण निर्माण गर्न समितिले आग्रह गर्ने गर्दछ ।

विद्यालयमा तपाईले चाहेको तर गर्न नसकेका कामहरु छन् कि ?
पहिलो कुरा विद्यालयलाई भौतिक रुपम सुविधा सम्पन्न बनाउने उद्देश्य छ । अहिले प्रदेश सरकार र संघीय सरकारको लगानीमा २० करोडको छात्रावास सहितको विद्यालय भवन बनिरहेको छ । यो सम्पन्न भएपछि विद्यालयको भौतिक रुपमा अनुहार नै फरक देखिनेछ । अझै पनि विद्यालयमा विद्यालयकै लागि सभाहल, खेलमैदान व्यवस्थापन गर्ने, बगैचा बनाउने, कम्पाउण्ड वाल लगाउने र साना कक्षाका बालबालिकालाई सहयोग पुग्ने गरी स्कुल बस/भ्यानको व्यवस्थापन गर्नपर्छ भन्ने बिषय खड्किरहेको छ । पुस्तकालय व्यवस्थापन र प्रयोगशालालाई आधुनिकीकरण गर्नुपर्ने बिषय पनि छन् ।

शिक्षक, कर्मचारीहरुलाई समय अनुसार प्रविधिमा सबल बनाउने काम जारी छ । अहिलेको समयमा विद्यार्थी विद्यालयमा भौतिक रुपमा अध्ययन गराउन नपाए पनि उनीहरुलाई अनलाईन मार्फत भए पनि पठनपाठनको वातावरण बनाउनमा विद्यालय परिवार लागि परेको छ ।

अन्त्यमा केही भन्न चाहनुहुन्छ कि ?
यो विद्यालय यस क्षेत्रको मात्र नभएर देशकै राम्रो विद्यालयका रुपमा रहेको गहना हो । यसलाई अझै राम्रो बनाउन स्थानिय स्तरका बुद्धिजिवी वर्ग, शिक्षा प्रेमी, स्थानिय तह सबैको साथ र सहयोग रह्यो भने हामीले यो विद्यालयलाई भोलीका दिनमा गौरव गर्ने विद्यालयको रुपमा स्थापित गर्न सक्छौ ।

यसलाई सुन्दर बनाउन सबैको साथ र सहयोगका साथै सुझावको खाँचो रहन्छ । यो विद्यालयलाई यहाँसम्म ल्याउनमा मिहिनेत गर्ने विद्यालयका शिक्षक र कर्मचारीको मिहिनेतबाट नै संभव भएको हो । त्यसमा अभिभावक, विद्यालय व्यवस्थापन समिति र सहयोग गर्नुहुने सबै प्रति विद्यालय परिवारका तर्फबाट धेरै धेरै धन्यवाद दिन चाहन्छु । र आगामी दिनमा पनि सबैको साथ र सहयोगको अपेक्षा गर्दछु ।