© २०२३
६ मंसिर २०८१, बिहीबार
६ मंसिर २०८१, बिहीबार
अक्सिजनको अभावका कारण कोरोनाका बिरामीको मृत्यु हुन थालेपछि रुपन्देहीमा नेपाली सेनाको हेलिकप्टरबाट अक्सिजन झारिएको छ ।
नेपाली सेनाको एमआई–१७ हेलिकप्टरले ४१ वटा अक्सिजन सिलिण्डर भैरहवा विमानस्थल ल्याएको हो ।
ति अक्सिजन सिलिण्डर भैरहवाको भीम अस्पताल र लुम्विनी प्रादेशिक अस्पतालमा पठाइएको छ । ति अस्पतालमा कोरोना संक्रमितको उपचार भइरहेको छ ।
अक्सिजन आपूर्ति ढिलाइ हुँदा रुपन्देहीमा बुधबार ८ जना कोरोना संक्रमितको मृत्यु भएको थियो ।
रुपन्देहीका प्रजिअ अस्मान तामाङले अक्सिजन अभावका कारण अस्पतालमा बिरामीहरूको ज्यान जोखिममा परेपछि हेलिकप्टरबाटै भए पनि अक्सिजन सिलिण्डर रुपन्देही ल्याइएको जानकारी दिए ।
उनका अनुसार रुपन्देहीको उत्पादनले धान्न नसकेपछि तत्काल समस्या समाधान गर्न अक्सिजन सिलिण्डर ल्याइएको हो ।
बुधबार बाराको सिमराबाट र चितवनबाट ४१ थान सिलिण्डर नेपाली सेनाले ल्याएको र थप एक सय सिलिण्डर बिहीबार बिहान ल्याइने तयारी छ ।
हेलिकप्टरमार्फत् ल्याइएका सिलिण्डर लिन र नगरपालिकाका खाली सिलिण्डर लिएर बुटवल उपमहानगरपालिकाका प्रमुख शिवराज सुवेदी आफै भैरहवाको गौतमबुद्ध विमानस्थल पुगेका थिए ।
© २०२३
सर्वाधिकार सुरक्षित
Design & Developed By:
