© २०२३
६ मंसिर २०८१, बिहीबार
६ मंसिर २०८१, बिहीबार
नेपाल पत्रकार महासंघले नेपालमा ५ सय ५० जना पत्रकारहरू कोरोना संक्रमित भएको र तीमध्ये ७ जनाको मृत्यु भएको जनाएको छ ।
महासंघको अभिलेखअनुसार २० जना पत्रकारको अस्पतालमा सामान्य उपचार भइरहेको २ जना पत्रकारलाई आइसियुमा राखिएको छ ।
महासचिव रोशन पुरीले महासंघका प्रदेश र शाखाहरूमा कोरोना संक्रमित पत्रकारको उपचारका लागि महासंघले सबै संयन्त्र परिचालन गरिसकेको पनि बताए ।
‘कतिपय शाखामा अक्सिजनसहितको आइसोलेसनको व्यवस्था गरिएको छ । यो विषम् परिस्थितिमा महासंघले पत्रकारको स्वास्थ्य सुरक्षा तथा पेशागत सुरक्षामा आपतकालीन टोली नै बनाएर काम गर्न निर्देशन गरेको छ । सोहीअनुसार सहभागिता जनाउन सबै प्रदेश समिति र शाखाहरुसहित पत्रकारहरुलाई महासंघ अनुरोध गर्दछ’ उनले भनेका छन् ।
एक अपिल जारी गर्दै उनले यो महामारीको विषम परिस्थितिमा निकै संवेदनशील र पूर्व सतर्क भएर तथा स्वास्थ्य सुरक्षाका उपाय र मापदण्ड अपनाउन पनि आग्रह गरेका छन् ।
© २०२३
सर्वाधिकार सुरक्षित
Design & Developed By:
