© २०२३
६ मंसिर २०८१, बिहीबार
६ मंसिर २०८१, बिहीबार
ईलाका प्रहरी कार्यालय, बुटवलले एकैदिन दुई ठाउँमा छापामारी १२ जुवाडे पक्राउ गरेको छ । उनीहरूको साथबाट नगद करीब एकलाख बढी नगद केही बुक तास समेत फेलापारेको प्रहरीले जनाएको छ ।
बुटवल उपमहानगरपालिका ७ सुखानगरबाट शुक्रबार दिउँसो तास खेलिरहेको अवस्थामा ५ जना जुवाडेलाई प्रहरीले पक्राउ गरेको हो । दिउँसो घरमा तास खेलिरहेको अवस्थामा उनीहरू रंगे हात पक्राउ परेका हुन् ।
तास खेलिरहेको भन्ने सुचनाको आधारमा पुगेको प्रहरी टोलीले करिब ६५ हजार नगद र तास सहित ५ जनालाई प्रकाउ गरेको ईलाका प्रहरी कार्यालय बुटबलले जनाएको छ ।
त्यसैगरी प्रहरीले बुटवलको मैनाबगरमा रहेको लुम्बिनी स्टाफ होटलबाट तास खेलिरहेका ७ जना जुवाडेलाई नगद ४५ हजार सहित पक्राउ गरेको प्रहरी स्रोतले जनाएको छ ।
बुटवलमा पछिल्लो समय पेशेवर रूपमा जुवातास खेलाउने खेल्ने गरेको सुचना पाएंको बुटवल प्रहरीले यसलाई नियन्त्रण गर्न बुटवलमा सादा पोशाकमा प्रहरी परिचालन गरेर निगरानी गदै आएको थियो ।
पक्राउ परेका जुवाडेहरूलाई जुवा ऐन अन्र्तगत मुद्दा चलाउने तयारी भैरहेको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
