खोज

प्रदेश सभामा पेश भएको प्रदेशको स्थायी राजधानी दाङ बनाउने सरकारको आन्तरिक कार्यविधि सम्बन्धी प्रस्तावमा तीनवटा संशोधन प्रस्ताव दर्ता भएका छन् ।

प्रदेश सभा सचिवालयका अनुसार नाम लुम्बिनी फेर्ने र राजधानीको केन्द्र परिवर्तन गर्ने सम्बन्धमा एक एक वटा संशोधन प्रस्ताव पेश भएका हुन् । भने अर्को प्रस्ताव बुटवललाइ राजधानी यथावत राख्ने प्रस्ताव छ ।

नेकपा लुम्विनीका सांसदहरुको सहमतिमा राजधानीको केन्द्र फेर्ने बिषयमा संसोधन पेश भएको स्रोतले जनाएको छ । कपिवलवस्तुमा राजधानी राख्नका लागि साझा सहमति हुन सक्ने संभावना देखिएपछि यो रणनीति अपनाइएको एक सांसदले बताए ।

कपिलवस्तुमा राजधानी रहने बिषयमा छलफल भए अर्घाखाँचीका सांसदहरु सहमतीमा आएपछि सरकारले संसदमा पेश गरेको राजधानीको केन्द्रको प्रस्ताव कमजोर हुने आकलन गरिएको ति सांसदले बताए ।

नेपाली कांग्रेसकी प्रदेशसभा सदस्य पुष्पा थरुनीले रुपन्देहीलाई नै स्थायी राजधानी तोकियोस् भन्ने प्रस्ताव दर्ता गरेकी छिन् । कांग्रेसकै सभासद रमा अर्यालले प्रदेशको स्थायी राजधानी तोक्न बैकल्पिक प्रस्ताव दर्ता गराएकी छिन् ।
उनले पूर्वमा नवलपरासी पश्चिमको बर्दघाट नगरपालिका, उत्तरमा पाल्पाको तिनाउ गाउँपालिका, दक्षिणमा रुपन्देहीको सिद्धार्थनगर नगरपालिका र पश्चिममा कपिलवस्तुको शिवराज नगरपालिकाको बीचभागमा राजधानी तोक्नुपर्ने प्रस्ताव प्रदेश सभामा दर्ता गराएकी हुन् ।
त्यसअघि सोमबार नामाकरण सम्बन्धमा जनता समाजवादी पार्टीको तर्फवाट संसदीय दलका नेता सहसराम यादवले संशोधन प्रस्ताव दर्ता गराएको प्रदेश सभा सचिवालयले जनाएको छ ।
आजको बैठकले प्रदेश सरकारले शुक्रवार प्रस्तुत गरेको प्रस्ताव उपर मतदान गर्ने कार्यतालिका छ ।
प्रदेश सरकारले प्रदेश ५ को राजधानी दाङको भालुबाङसहितको देउखुरी उपत्यका र नाम लुम्विनी राख्न प्रदेश सभामा प्रस्ताव गरेको छ ।
उक्त प्रस्तावमाथि आज बोलाइएको प्रदेश भा बैठकमा मतदान गर्ने तालिका रहेको नेकपाका प्रमुख सचेतक भूमिश्वर ढकालले जानकारी दिए ।
बैठकमा मुख्यमन्त्री शंकर पोखरेलले सांसदहरुले राखेका जिज्ञासाको जवाफ दिने तालिका समेत छ ।