खोज

प्रदेश ५ को राजधानी सार्ने प्रस्तावमा नेपाल कम्यूनिष्ट पाटी (नेकपा) रुपन्देहीका अध्यक्ष शिवराज सुवेदीले साथ दिएको आरोप लागेको छ । उक्त विषयमा नेकपा रुपन्देही धारणा सार्वजनिक नगरी चुपचाप बसेपछि उनलाई उक्त आरोप लागेको हो ।

नेकपाका जिल्लातहका एक नेताले सुवेदीले मुख्यमन्त्री शंकर पोखरेललाई साथ दिएको बताए । उहाँ मुख्यमन्त्रीकै साथमा हुनुहुन्छ ति नेताले बुटवल टुडेलाई भने, रुपन्देहीका पालिकाहरुको तर्फबाट प्रेस विज्ञप्ती निकाले जिम्मेवारी पूरा भएको देखाउन खोज्नुभएको छ ।

शनिवार मात्रै रुपन्देहीका स्थानीय तहहरुले राजधानी सार्ने बिषयमा बिरोध जनाउँदै विज्ञप्ती जारी गरेका   थिए । उक्त विज्ञप्तीमा उनले बुटवल उपमहानगरपालिकाको हैसियतले हस्ताक्षर गरेका छन् । 

नेकपाका रुपन्देही अध्यक्ष सुवेदीले भने आफु राजधानी सार्ने बिषयमा जनताको पक्षमा भएको दाबी गरे । जनप्रतिनिधीका हिसाबले मैले धारणा सार्वजनिक गरिसकेको छु सुवेदीले बुटवल टुडेसँग भने, मलाई कसैले आरोप लगाएका छैनन् तपाईले भनेर सुने ।

जनप्रतिनिधीको रुपमा त धारणा राखेको भन्नुभयो, तपाई नेकपा रुपन्देहीको अध्यक्ष पनि हुँदा नेकपा रुपन्देहीको धारण के हो त ? भन्ने अर्को जिज्ञासामा उनले पाटी धारणा भने अझै यही नै भन्ने नभएको बताए । मैले साथीहरुसँग छलफल गरिसकेको छैन् उनले भने ।