खोज

देशभर कोरोना संक्रमितको संख्या ७४ हजार ७ सय ४५ पुगेको छ।

वितेको २४ घण्टामा देशभर थपिएका १३५१ संक्रमितको पुष्टि भएको स्वास्थ्य तथा जनसङ्ख्या मन्त्रालयका प्रवक्ता डा जागेश्वर गौतमले बताए। प्रवक्ता डा गौतमले गत २४ घण्टामा गरिएको १० हजार ८० पीसीआर परीक्षणमध्ये एक हजार तीनसय ५१ जना नयाँ सक्रिय संक्रमित थपिएको जानकारी दिए।

उनका अनुसार बितेको २४ घण्टामा थप चार जना संक्रमितको मृत्यु भएको छ। अब मृत्यु हुने संक्रमितको संख्या ४८१ पुगेको छ।

मुस्ताङ, मनाङ, डोल्पा, हुम्ला र मुगुमा भने गत २४ घण्टामा एक जना पनि संक्रमित नभेटिएको मन्त्रालयले जनाएको छ।

यस्तै यस अवधिमा देभरमा ७४२ जनाले कोरोना जितेर डिस्चार्ज भएका छन्। यससँगै हालसममा जम्मा ५४ हजार ६४० जनाले कोरोना जितेका छन्।

आजसम्म सक्रिय संक्रमित १९ हजार ६२४ जना सक्रिय संक्रमित रहेको उनले जानकारी दिए। मन्त्रालयका अनुसार देशभर ८ हजार ६९५ जना संस्थागत आइसोलेसनमा बसेका छन्।

यस्तै, होम आइसोलेसनमा १० हजार ९२९ जना बसेका छन्। भने क्वारेन्टाइनमा देशभर ६ हजार ३१० जना बसेका छन्। गत २४ घण्टाको तथ्यांक हेर्दा २२५ जना आईसियूमा बसेका छन् भने, ३१ जना भेन्टिलेटरमा रहेका छन्।

संक्रमणमुक्त हुनेको दर ७३.१ प्रतिशत रहेको डा. गौतमले बताए।