खोज

रूरूक्षेत्र गाउँ पालिकामा प्राकृतिक प्रकोपबाट १ सय ६ घर क्षति पुगेको छ । गत असार यता त्यतिको संख्याका घरहरुमा क्षति पुगेको गाउँपालिकाले जनाएको छ ।

रुरु क्षेत्र गाउँपालिका वडा नं. २ का वडाअध्यक्ष घनश्याम अर्यालले अति बर्षाका कारण पालिकाभित्रका सबैजसो वडाका गाउँहरुका घरमा क्षति भएको विवरण संकलन भएको जानकारी दिए । अर्यालका अनुसार गाउँपालिकाले ३८ घरको विवरण इन्जिनियरबाट संकलन गरी पुनः निर्माणका लागि केन्द्रमा पठाउने शिफारिश गरिएको बताए । त्यसैगरी अन्य क्षति भएका ६८ घरलाई गाउँपालिकाबाट कुनै न कुनै रुपमा सम्बोधन हुर्ने तयारी गरेको बताए ।

क्षति हुने गाउँहरुमा लामाखर्क, बम्घा, ग्वादी लगायतका गाउँहरु छन् ।

पछिल्लोपटक पालिकाको वाड नं २ ग्वादीको भरेक गाउँमा पहिरोले कमल बरालको एक घर र एक गोठमा क्षति पुर्याएको छ । उनको गोठ पक्की थियो । त्यसैगरी माधा गाउँको जीवन बिकको घर भत्किएपछि उनको परिवारलाई अन्यत्र सारिएको छ ।

घर गोठ भत्किदा भौतिक क्षति भएको भएपनि मानवीय र पशु चौपाया भने सुरक्षित रहेको वडाअध्यक्ष अर्यालले बताए । अर्यालका अनुसार बर्षाले ठाउँ ठाउँमा पहिरो जाँदा गाउँ गाउँमा पुग्ने सडक अबरुद्द भएका छन् ।