© २०२३
६ मंसिर २०८१, बिहीबार
६ मंसिर २०८१, बिहीबार
जिल्ला प्रशासन कार्यालय रुपन्देहीले निषेधाज्ञाको अवधि भदौ २० गतेसम्म लम्बाएको छ । कोरोना संक्रमितको संख्या बढ्दै गएपछि जिल्ला स्थित कोरोना भाइरस रोकथाम तथा नियन्त्रण गर्न गठित जिल्ला संकट व्यवस्थापन केन्द्र (डिसीसीएमसी) रुपन्देहीले जिल्लाभर भदौ २० गते राती १२ बजेसम्म लागि ‘लकडाउन’ गर्ने निर्णय गरेकोे हो ।
आइतबार बसेको डिसीसीएमसी बैठकले पूर्वनिर्णयहरुको समीक्षा गर्दै सोमबारदेखि लकडाउनलाई थप गर्ने, अनावश्यक कुनै पनि व्यक्ति घर बाहिर निस्कन नदिने शिफारिश गरेको थियो । त्यसैगरी सुरक्षाकर्मी, स्वास्थ्यका कर्मचारी र अत्यावश्यक सेवाका कर्मचारी मात्र हिडडुल गर्न पाउने गरी आदेश जारी गर्न जिल्ला प्रशासन कार्यालयलाई सिफारिश गरेको थियो ।
भदौ ७ गते भएको सिसिएमसीको बैठकले १४ गते सम्मका लागि जिल्लाभरि लकडाउन गर्ने निर्णय गरेको थियो । खाद्यान्न, फलफूल, तरकारी, माछामासु, दुध तथा डेरीजन्य पसलहरु बिहान ६ बजेदेखि ९ बजेसम्म र बेलुका ४ः३० बजेदेखि ६ः३० बजेसम्म सञ्चालन गर्न दिने प्रशासनले जनाएको छ ।
© २०२३
सर्वाधिकार सुरक्षित
Design & Developed By:
