खोज

भदौ ५ गते राती १२ बजेदेखि १२ गते राती १२ बजेसम्म पाल्पा जिल्लाभर निषेधाज्ञा जारी गरिएको छ । बिहीबार एक सूचना जारी गरी स्थानीय प्रशासनले यस्तो जानकारी गराएको हो ।

कोभिड १९ को संक्रमणलाई रोकथाम तथा नियन्त्रणको कार्य प्रभावकारी बनाउनका लागि निषेधाज्ञा जारी गरिएको प्रमुख जिल्ला अधिकारी रमेश न्यौपानेले जानकारी दिए ।

संक्रमण रोग ऐन २०२० को दफा २ एवं स्थानीय प्रशासन ऐन २०२८ को दफा ६ (३) अनुसार भाद्र ५ गते राती १२ बजेदेखि भदौ १२ गते राती १२ बजेसम् पाल्पा जिल्लाभरी लागु हुने गरी निषेधाज्ञा जारी गरिएको जिल्ला प्रशासन कार्यालय, पाल्पाद्धारा जारी सूचनामा उल्लेख छ । आदेश अवज्ञा गरेको पाइएमा प्रचलित कानून बमोजिम कार्वाही हुने सूचनामा उल्लेख छ ।

निषेधाज्ञा अबधिभर एम्बुलेन्स, शवबहान, खाद्यसामग्री बाहेकका सवारी साधन, औषधी बोकेको सवारी साधन, कुखुराको चल्ला, पशुपंक्षीको दाना बोकेको सवारी साधन, पानी, दुध, पेटेल ट्यांकर, फलफुल तथा तरकारी बोकेको सवारी साधन, झण्डाबाहक सवारी साधन र कुटनीतिक नियोगको सवारी साधन संचालन हुन पाउनेछन् ।

औषधी, खाद्यान्न, फलफुल दुध पसलका लागि बिहान ७ देखि १० बजेको समय तोकिएको छ । बैंक तथा वित्तिय सेवालाई पनि सो अबधिभर नखुल्ने सेवाको रुपमा राखिएको छ ।