खोज

रुपन्देहीका पालिकाहरुमध्ये बुटवल उपमहानगरपालिका सबै भन्दा बढी कोरोना संक्रमित भएको पालिका भएको छ ।

बुटवल उपमहानगरपालिकाका अनुसार बुटवलमा संक्रमितको संख्या १३१ पुगेको छ । यो जिल्लाका पालिकामा भेटिएका संक्रमितमध्ये सबैभन्दा बढी हो ।

बुधबार रुपन्देहीमा ३८ जना नयाँ कोभिड–१९ संक्रमित थपिएका थिए । त्यसमध्ये बुटवल उपमहानगरपालिका २० जना, सिद्धार्थनगरका ६ जना, तिलोत्तमाका १, सैनामैना १, सियारी ३, देवदह २ र सुद्धोधनका ५ जनामा संक्रमण देखिएको छ ।

त्यस्तै सिद्धार्थनगरमा ७६, तिलोत्तमा नगरपालिकाका ७३, लुम्बिनी सांस्कृतिक नगरपालिकाका ६१, सैनामैनाका ४४, सम्मरीमाईका २७, गैडहवाका २६, कोटहीमाईका २६, कञ्चनका २५, देवदहका २४, मायादेवीका १९, सियारीका २१, मर्चवारीका १५, शुद्धोधनका १६, रोहिणीका ८, ओमसतियाका ४ र रुपन्देही बस्ने ठेगाना नखुलेको १ जनामा संक्रमण देखिइसकेको छ ।

रुपन्देहीमा संक्रमित मध्ये २५४ जना उपचाररत छन् ।

थपिनेमा २ जना स्वास्थ्य कार्यालयका कर्मचारी र एक जना नेपाल बैक मणिग्रामकी कर्मचारी समेत रहेका छन् ।

यससँगै जिल्लामा कोरोना संक्रमितको संख्या ५ सय ९६ पुगेको छ ।

बुधबार रुपन्देहीका ७ पालिकाका ३८ जनामा संक्रमण पुष्टि भएको स्वास्थ्य कार्यालय रुपन्देहीका भेक्टर कन्टेल निरीक्षक केदारनाथ शाहले जानकारी दिए ।