खोज

साईक्लिष्ट स्वर्गिय नारायण गोपाल मर्हजनको स्मृतिमा बुटवलमा बुटवल कोरा २०१८ साईक्लिङ्ग च्यालेन्ज भब्य रुपमा सम्पन्न भएको छ । रुपन्देही जिल्ला साईक्लिङ्ग संघ र साईकिल सिटी बुटवलको आयोजना तथा हाई वे अटो भिल्लाको प्रायोजन, लायन्स क्लब अफ बुटवल स्टार र बुद्ध साईकलको सहप्रायोजनामा शनिबार प्रदेशमा नै पहिलो पटक कोरा गरिएको हो ।
प्रदेश नम्बर ५ का प्रदेश सभा सदस्य भोजप्रसाद श्रेष्ठले ट्राफिक चोकमा हरियो झण्डा उठाएर शुरु गरेको कोरा मणिग्राम, १० नम्बर, गोरकट्टा, डिङ्गरनगर, शान्तिचोक, देविनगर चौपारी, मिलनचोक, नयाबसपार्क हुदै जितगढी पुगेको थियो ।
कार्यक्रममा बोल्दै प्रदेश नम्बर ५ का प्रदेश सभा सदस्य भोजप्रसाद श्रेष्ठले आम नागरिकमा स्वस्थ्यप्रति सचेतना बढ्दै गएको बताए । खेलमार्फत स्वस्थ्य बन्न सकिने भएकाले पनि युवाहरु आर्कषण भएको उनको दाबी छ । नेपाललाई विश्व सामु पहिचाने खेल विकासमा सरकारले लगानी बढाउन जरुरी रहेको समेत उनले बताए ।
करीब २५ किलोमिटर दुरीको साईकलयात्रा ऐतिहासिक धरोहर जितगढीमा पुगेर समापन भएको थियो । समापन कार्यक्रममा बुटवल उपमहानगरपालिका वठा नं. १ का वडाअध्यक्ष महेन्द्र प्रसाद लिगलले साईक्लिङ्गमार्फत पर्यटन पर्वद्धनमा गर्न सकनिे सम्भावना भएको भन्दै यस क्षेत्रमा युवाहरु लाग्नुपर्ने बताए । बटौली संरक्षण तथा सम्बद्र्धन समितिका अध्यक्ष रबिन्द्रगोपाल लाकौलले साईकलमैत्री पूर्वाधार बनाउने काममा सरकारले ध्यान दिनसके धेरै फाईदा मिल्ने बताए । कार्यक्रममा सहयोगदाता तथा सहभागि साईकलयात्रीहरुलाई मायाको चिनो र प्रमाणपत्र वितरण गरिएको थियो ।
साईकिल सिटीका संस्थापक अध्यक्ष तथा कार्यक्रम संयोजक पुकार थापाले स्वस्थ्य रहन दैनिक ब्यायाम जरुरी हुने र त्यसमा पनि साईक्लिङ्गबाट फाईदा मिल्ने बताए । वर्षभरि नै सचेतनाका कार्यक्रमहरुलाई जोड दिएर कार्यक्रमहरु गर्ने समेत उनले बताए ।
साईकिल सिटी बुटवलका अध्यक्ष धिरेन तुलाधरले कार्यक्रम सफल भएको र अब संकलन भएको सहयोग रकम स्वर्गिय महर्जनको परिवारलाई प्रदान गर्ने बताए । श्रीलंकाको जंगलमा रम्बल ईन जंगल साईक्लिङ्ग प्रतियोगितामा भाग लिने क्रममा महर्जनको मृत्यु भएको थियो । साईकलको प्रयोगले वातावरण जोगाउन महत्वपूर्ण योगदान दिने भएकाले पनि सरकारबाट प्रोत्साहनको नीतिहरु ल्याउनुपर्ने सिटीका सचिव अशोक राईले बताए । कार्यक्रममा १ सय ३० बढि साईकलयात्रीहरु सहभागि भएका थिए ।