खोज

पाल्पाको तिनाउ गाउपालिकाले आफ्नो पालिका क्षेत्रभित्रका दुध उत्पादन गर्ने किसानहरुलाई अनुदान वितरण गरेको छ । पालिकामा रहेको डुम्रे दुग्ध उत्पादक सहकारी संस्था मार्फत प्रति लिटर २ रुपैयाको दरले किसानलाई अनुदान उपलब्ध गराएको गाउपालिका अध्यक्ष ओम बहादुर घर्तीले जानकारी दिए ।
गाउँपालिकाले कृषि र पशुपालनमा प्राथमिकता दिइ काम गरिरहेको अध्यक्ष घर्तीको भनाई छ । पालिकादेखि बुटवल नजिक भएको हुदा त्यहा उत्पादिन बस्तुलाई बजारको समस्या रहेको छैन् । अहिले तिनाउ गाउँपालिकामा तरकारी, दुग्ध र मासुको उत्पादनतर्फ किसानहरु लागेको अध्यक्ष घर्तीले बताए ।
तिनाउ गाउपालिकामा सबैभन्दा बढी दुध विक्री गर्ने मुनाल गाई फर्मका संचालक सरस्वती जिसीले ८५ हजार अनुदान प्राप्त गरेको छ । कृषकहरुलाई ५ लाख रुपैया अनुदान स्वरुप वितरण गरिएको प्रमुख प्रशाशकिय अधिकृत दामोदर भण्डारीले जानकारी दिए ।

अनुदान वितरण कार्यक्रममा वडाअध्यक्षहरु टोम बहादुर पुन र दल बहादुर दर्लामी, स्थानीय टीका भण्डारी र रामजी घिमिरे लगायतले कोरोना भाइरसका कारण अर्थतन्त्रमा असर परेका वेला गाउपालिकाको सहयोगले कृषकहरुलाई राहत मिलेको बताए ।

डुम्रे दुग्ध सहकारी संस्थाका अध्यक्ष दुर्गा खाँडले अनुदानले गाई र भैसी पालन गर्ने किसानलाई प्रोत्साहन मिलेको बताए । उनले डुम्रे क्षेत्र तरकारीका लागि मात्रै नभएर दुग्ध उत्पादनका लागि पनि उत्तिकै संभावना भएको क्षेत्रको रुपमा किसानहरुले काम गरि देखाएको बताए ।

यस अगाडी तिनाउ गाउपालिकाले दुध प्रशोधन मेसिन खरिदमा सहयोग, दुध प्याकेजिङ मेसिन, दुध राख्ने क्यान, कृतिम गर्भाधान तथा औषधी र प्राविधिक सहयोग गरिसकेको गाउँपालिकाले जनाएको छ ।