खोज

बुटवल,२९ चैत । इडन इङ्गलिस बोर्डिङ स्कूल बुटवल–११ नहरपुरले आफ्ना विद्यार्थीको नतिजा प्रकाशन तथा पुरस्कार वितरणसँगै २ दिने सम्मान कार्यक्रम सम्पन्न गरेको छ । बुधबार कक्षा ३ देखि ९ सम्मका विद्यार्थीको नतिजा प्रकाशन, पुरस्कार वितरण तथा सम्मान कार्यक्रममा बोल्दै बुटवल उपमहानगर–११ का वडा अध्यक्ष रामचन्द्र क्षेत्रीले बुटवल शैक्षिक हबको रुपमा विकसित भएको उल्लेख गरे । सिङ्गो बुटवललाई उत्कृष्ट र शैक्षिक गन्तव्यको पहिलो केन्द्र बनाउनका लागि यहाँका सामुदायिकसँगै नीजि शैक्षिक संस्थाहरुको भूमिका पनि महत्वपूर्ण रहने उल्लेख गरे । इडन स्कूलले पनि गुणस्तरीय शिक्षामा एउटा इटा थप्ने काम गरेको बताउँदै उनले व्यवहारिक तथा सामाजिक शिक्षालाई पनि जोड दिनुपर्ने उल्लेख गरे ।

विद्यालयका प्राचार्य शिवहरी भट्टराईले विद्यालयले नयाँ शैक्षिक सत्र २०८० का लागि विद्यार्थी भर्ना अभियान समेत सञ्चालन गरेको र हरेक कक्षमा प्रथम हुनेलाई निःशुल्क छात्रवृत्ति,दोस्रो र तेस्रोलाई क्रमशः ५० प्रतिशत र २५ प्रतिशत शुल्क छुट गरिएको जानकारी दिए । शैक्षिक गतिविधिसँगै विभिन्न खेलकूद गतिविधिहरुमा समेत इडनले उत्कृष्ट नतिजाहरु प्राप्त गर्दै आएको उनको दाबी छ । विद्यालयका उप–प्राचार्य जगत पौडेलले पाठ्यक्रम बाहेक व्यवहारिक र सामाजिक ज्ञान सीप प्रदान गरेर समाजका लागि उदाहरणीय र सक्षम नागरिक निर्माण विद्यालयको मुख्य उद्देश्य रहेको बताए ।

कार्यक्रममा विभिन्न खेल गतिविधिमा सहभागई भई उत्कृष्ट नतिजा ल्याउन सफल विद्यार्थीलाई सम्मान गरिएको विद्यालयका अतिरिक्त क्रियाकलाप प्रमुख शिक्षक कुशल बस्यालले जानकारी दिए । इडन स्कुलले पहिलो दिन मँगलबार कक्षा नर्सरीदेखि २ कक्षासम्मका विद्यार्थीको नतिजा प्रकाशन गरेको थियो ।