खोज

निजी विद्यालयहरूको छाता संगठन प्याब्सन नेपाल रूपन्देहीले विभिन्न माग राख्दै शिक्षा विकास तथा समन्वय ईकाइको कार्यलय भैरहवा रूपन्देहीमा ज्ञापन पत्र बुझाएको छ ।
विद्यार्थि संखयाको आधारमा दिईने छात्रावृत्ति १० प्रतिशतबाट घटाएर ५ प्रतिशत बनाउनुपर्ने, विद्यालयहरूको अनुगमन तथा नियमन एकल मन्त्रालयबाट हुनुपर्ने, संघिय शिक्षा नीति र ऐन कानुन बनाउने उच्च स्तरीय शिक्षा आयोगदेखी स्थानिय तह सम्म बन्ने कुनैपनि समिती, कार्यदलमा प्याब्सनको आधिकारिक प्रतिनिधी राख्नुपर्ने, स्थानिय तहबाट लिइने व्यवसायिक करलाइ तत्काल खारेज गर्नुपर्ने जस्ता माग राख्दै शिक्षा विकास तथा समन्वय इकाइको कार्यलय भैरहवा रूपन्देहीमा ज्ञापन पत्र बुझाएको हो ।
प्याब्सन नेपालका केन्द्रीय सदस्य विष्णु पन्थि, रूपन्देहीका अध्यक्ष लेखनाथ पौडेल, उपाध्यक्ष महेश भुर्तेल, सिद्धार्थनगर अध्यक्ष एलबी बस्नेत लगायतको सहभागीता रहेको प्याब्सन टोलीले शिक्षा विकास तथा समन्वय इकाईका प्रमुख दिपेन्द्र ढकाललाई ज्ञापन पत्र बुझाएको प्याब्सन रूपन्देही सचिव लक्ष्मण ज्ञवालीले जनाए । ज्ञापनपत्र बुझ्दै ढकालले प्याब्सनले राखेको माग जायज भएको र ती माग माथिल्लो निकायमा पठाउने बताए ।