खोज

अर्घाखाँची जिल्ला पाणिनी गाउँपालिका–२ पोखराथोक रयालेका राजेन्द्र गौतमले स्वदेशमा नै मिहनेत गरी राम्रो आम्दानी गरेका छन् । विदेशमा लामो समय सम्म बसेका उनी त्यहाँ बिरामी भएपछि नेपाल फर्किएर गाई फर्म स्थापना गरेका हुन । जसले उनलाई राम्रो आम्दानी समेत दिएको छ ।
सामान्य परिवारमा जन्मेका राजेन्द्र आर्थिक स्थिति कमजोर भएपछि एसएलसी पास गरेर रोजगारीको लागि भारत गएका थिए । गौतमले भारतको पंजाबमा रही निरन्तर रूपमा करिब १ दशक सम्म इलेक्ट्रिक मेकानिक्सको रूपमा काम गरेका थिए । तर उक्त कार्यले उनले राम्रो आम्दानी गर्न नसकेपछि स्वदेशकै बाटो तय गरेको बताउँछन् ।
जागिरको शिलशिलामा बिरामी भएपछि उनी चिकित्सकको सल्लाहमा नेपाल आएका थिए । नेपाल आएपछि अब विदेश नजाने प्रण गर्दै उनले गाई पालनमा लागेका थिए । छिमेकी र आफन्तको सल्लाहमा गाई पाल्ने निर्णय गरेका उनी सोही कार्यबाट नै गाउँमा मनग्ये आम्दानी गर्न सफल भएका छन् । ५ लाख लगानीमा सुरु गरेको उनले मासिक रूपमामा ५० हजार भन्दा धेरै आम्दानी गरेका छन् । दैनिक ४० लिटर भन्दा माथी निरन्तर दुग्ध बिक्री गर्दे आएका छन ।
भारतमा रहँदा मेहनत अनुसारको पैसा कमाउन नसकेको भन्दै उनले भने हाल आएर मात्र मेहनत अनुसारको गाईपालनबाट मनग्ये आम्दीनी गरेको बताउछन । गौतमले भने नेपालमै ब्यवसायिक रूपमा आधुनिक तबरले पशुपालनलाई गर्न सके यहि जति पनि कमाई गर्ने सकिने कहि युवा पनि रोजगारीको लागी विदेश जानु नपर्ने बताउछन् । गौतमले गाईपालनसँगै कृषिलाई पनि अगाडि बढाएका छन करिब ५ रोपनी जग्गामा आलु, गोभी, मुला, सिमी, टमाटर जस्ता तरकारीहरू गर्दै आएका गौतमले कृषि पेशालाई पनि ब्यवसायिक रुममा गर्ने साेंच बनाएको बताउँछन् ।à