खोज

पाल्पा, असार – जिल्ला ब्याडमिन्टन संघ , पाल्पाद्वारा आयोजित तथा तानसेन नगरपालिका वडा नं. ४ द्वारा प्रयोजित मा.वि स्तरिय ब्याडमिन्टन प्रतियोगिता तथा मेन्स जिल्ला स्तरिय खुल्ला डबल ब्याडमिन्टन प्रतियोगिता सम्पन्न भएको छ ।
उक्त्त प्रतियोगितामा १५ मा.वि विद्यालयहरुका छात्र ५२ र छात्रा ५० गरि १०२ जना र मेन्स डवलमा ४२ जना खेलाडीहरुको सहभागी रहेको थियो । उक्त्त प्रतियोगिता जेष्ठ ३० देखि अषाढ ३ गते सम्म संचालन भएको थियो उक्त प्रतियोगितामा मा.वि विद्यालय तर्फ प्रशान्ति चिल्ड्रेन एकाडेमी तानसेनका दिपममान बज्राचार्य प्रथम , भुसलडाँडा मा.वि का अनुप गुरुङ्ग द्वितिय र प्रशान्ति चिल्ड्रेन एकाडेमी तानसेनकै संचार तिमल्सिना र विशाल थापा तृतिय हुन सफल भएका छन् । यस्तै छात्रा तर्फ सेन्ट कपिटानियो स्कुलका दिया शाक्य प्रथम, नेपाल इङलिस प्रिपेरेटरी सेकेण्डरी स्कूलका सुस्मा बुढा द्वितिय र सोही स्कूलकै ममता थापा , गौरी घर्ति मगर तृतिय स्थान हासिल गर्न सफल भएका छन् ।
यस्तै मेन्स डबलमा गणेश रायमाझी र महेश्वर नेपाल प्रथम र महेशमान बज्राचार्य र वसन्तलाल बज्राचार्यको टोली द्वितिय हुन सफल भएका छन् । यस्तै राजेन्द्र बहादुर बज्राचार्य , शैलेन्द्र बहादुर बज्राचार्य र पंकज ज्ञवाली , प्रविन घिमिरे को टोली तृतिय स्थान हासिल गर्न सफल भएका छन । । प्रथम हुनेलाई दश हजार नगद, रैकेट , मेडल र शिल्ड , दोस्रो हुनेलाई पाचँ हजार नगद, रैकेट, मेडल , शिल्ड र तृतिय हुनेलाई तीन हजार नगद , रैकेट , मेडल ,शिल्ड र प्रमाणपत्र पुरस्कार प्रदान गरिएको थियो ।
तानसेन नगर पालिकाका प्रमुख अशोक कुमार शाही , संघका अध्यक्ष वसन्तलाल बज्राचार्यले , तानसेन वडा नं. ४ का वडा अध्यक्ष तथा पुर्व पाल्पा खेलकुद विकास समितिका अध्यक्ष तथा प्रायोजक श्री राजेन्द्रमुनि शाक्य , पाल्पा उद्योग वाणिज्य संघका अध्यक्ष मोहन श्रेष्ठ , वडा नं. ६ का वडा अध्यक्ष शागर मर्हजन लगायतले पुरस्कार प्रदान गररेका थिए ।