खोज

लैंगिक हिंसा दुव्र्यवहारः छैन हामीलाई स्वीकार’ भन्ने नाराका साथ आईतबारदेखि लंैगिक हिंसा विरुद्धको १६ दिने अभियान शुरु भएको छ ।
प्रदेश नं. ५ मा सामाजिक विकास मन्त्रालयको आयोजनामा एक कार्यक्रमका बीच अभियानको शुभारम्भ भएको छ । अभियानको शुभारम्भ गर्दै सामाजिक विकास मन्त्रि सुदर्शन बरालले शिक्षा र सिपबाट महिला सशक्तिकरण गर्न सकेमा महिला माथि हुने हिंसाको अन्त्य हुने बताए ।
महिलाहरू आत्मनिर्भर हुन आवश्यक रहेको बताउँदै यसमा मन्त्रालयले केन्द्रित गरेर महिला सशक्तिकरणको कार्यक्रम ल्याएको बताए । रुढिवादी साेंचलाई परिवर्तन गर्न सके मात्र अभियानले सार्थकता पाउने उनको भनाइ थियो । रेमिट्यान्सको नकारात्मक प्रभावका कारण पनि लैंगिक हिंसामा घटनाहरू बढेको बताउँदै उनले पारिवारिक विखण्डन समेत ल्याएको दाबी गरे ।

कार्यक्रममा मन्त्रालयका सचिव कृष्ण प्रसाद ज्ञवालीले पितृ सतात्मक सोंचका कारण महिला हिसांले प्रश्रय पाएको बताउँदै हिंसा न्यूनीकरण भएको बताए । उनले दबाएर राखिएको घटनाहरू सार्वजनिक हुँदा महिला हिंसाका घटनाहरू बढेको देखिएको भएपनि जनचेतनाका कारण हिंसाका घटनाहरूमा कमी आएको बताए ।
कार्यक्रममा गैर सरकारी संस्था महासंघ प्रदेश ५ का सचिव गोविन्द रेग्मी, महिला विकास अधिकृत प्रतिमा पन्थी, प्रज्ञा निरौला, नेपाल पत्रकार महासंघ रूपन्देहीका उपाध्यक्ष निरु गौतम लगायतले समाजलाई कुनैपनि हिंसारहित बनाउन सबैको साझा प्रतिवद्धता आवश्यक रहेको बताए ।