खोज

घोराही,२९ फागुन । तत्कालिन सौडियार गाविस हाल घोराही ७ सौडियारकै जेठो तथा पुरानो माध्यमिक विद्यालय मावि सौडियारको विद्यालय ब्यवस्थापन समितिको अध्यक्षमा निशानदाजु भट्टराई निर्विरोध निर्वाचित भएका छन् । घोराही ७ का वडा अध्यक्ष तथा विद्यालय ब्यवस्थापन समितिका पदेन सदस्य खोपिराम चौधरीसहीत ७ जना विद्यालय ब्यवस्थापन समिति सदस्यहरुको बैठकले बुद्धिजिवी तर्फवाट सदस्यमा मनोनित भट्टराईलाई अध्यक्षमा सर्वसहमतिमा चयन गरिएको हो । सामाजिक क्षेत्रमा कृयाशिल भट्टराई पत्रकार एवं सो विद्यालयका पुर्व विद्यार्थि समेत हुन् । त्यस्तै विद्यालय ब्यवस्थापन समितिको सदस्यहरुमा घोराही ७ सौडियारका लक्ष्मि विक, जवरपुरकि यमकला पुन मगर, धर्ना बसन्तापुरका भोजराज रावत, सौडियारका जिउधन चौधरी, वेलडाडाकि पार्वति कुर्मि निर्विरोध चयन भएका छन् । नव निर्वाचित अध्यक्ष भट्टराईसहीत सदस्यहरुलाई वडा अध्यक्ष चौधरी, विद्यालयका प्रधानाध्यापक ज्ञानेन्द्र गौतम, शिक्षकहरुले टिका,खादासहीत फुल मालाले वधाई तथा शुभकामना दिएका थिए । नव निर्वाचित विद्यालय ब्यवस्थापन समितिका अध्यक्ष भट्टराइले विद्यालयको शैक्षिक गुणस्तर राम्रो बनाउन शिक्षक, अभिभावक र समाजका सबै पक्ष मिलेर अघि बढ्नुपर्ने बताउदै विद्यालयलाई सबै हिसावले नमुना बनाउन सामुहीकरुपमा छलफल गरेर अघि बढ्ने प्रतिवद्धता ब्यक्त गरेका थिए ।