खोज

वर्षौंदेखि विकराल समस्याको रूपमा रहेको देउखुरीको सर्प दंस अब भने केही सहजता हुने भएको छ । यहाँका स्थानिय तहहरू एवं संघ संस्थाहरू सर्प दंश उपचार केन्द्र बनाउन तातिए लगत्तै यसै वर्ष लमही अस्पतालको हाताभित्र सर्प दंस उपचार केन्द्र बन्ने निश्चित भएको छ । लमही नगरपालिकाले पौष मसान्त पछि उपचार केन्द्रका संरचना बनाउन सुरु गरिने लमही नगरपालिकाका मेयर कुल वहादुर केसीले वताए ।
मेयर केसीका अनुसार लमही नगरपालिकाको नगरसभावाट लमही अस्पतालको हाता भित्र ३ कोठे भेन्टीलेटर सहितको सर्प दंस उपचार केन्द्र निर्माण गर्ने निर्णय गर्दै २५ लाख रूपैयाँ विनियोजन भईसकेको बताए ।

लमही नगरपालिका सहित यहाँ अन्य स्थानिय तहहरू राप्ती, राजपुर र गढवा गाउँपालिकाले समेत उपचार केन्द्रलाई रु. १० लाख रूपैयाँ बजेट विनियोजन गर्ने पनि लमही नगरपालिकाका मेयर केसीले बताए । दंश उपचार केन्द्र निर्माणको पहल गर्दै आएको देउखुरी उद्योग वाणिजय संघ लमहीले उपचार केन्द्रवारेमा शनिवार लमहीमा सर्वपक्षिय सर्वदलिय बैठकको आयोजना गरेको थियो । उवासंघले उपचार केन्द्रका लागि सहयोगार्थ २०७३ पौषमा लमहीमा व्यापारी तथा पर्यटन महोत्सव समेत सञ्चालन गरेको थियो । महोत्सबवाट रु ५ लाख ५ हजार रूपैयाँ आर्थिक संकलन गरेको थियो । सोही रकमका बारेमा वृहत्त छलफल गर्नका लागि सो बैठकको आयोजना भएको थियो । उवासंघका अधयक्ष रत्न प्रसाद श्रेष्ठको अध्यक्षता तथा प्रदेश सांसद रेवती रमण शर्मा, सरसस्वती गौतम र लमही नगरपालिकाका मेयर कुल बहादुर केसीको विषेश उपस्थितिमा छलफल भएको थियो ।
सो भेलामा लामो बोल्दै प्रदेश सांसद शर्माले देउखुरीमा विकराल समस्या वनेको सर्प दंश उपचार केन्द्र निर्माणमा ढिलो गर्न नहुने बताए । उनले सो उपचार वनाउन ढिलाइ गरेमा अब आउने वर्षातसंगै सर्पले टोकेर कोही मर्नु परेमा उसका अभिभावकले भोट हाले जिताएका प्रतिनिधीहरूलाइ ढुंगा हान्ने निश्चित भएको बताए । अर्को सांसद सरस्वती गौतमले सर्प दंस उपचार केन्द्र वनाउने कार्य पवित्र आवश्यक रहेको वताउँदै आफूले पहल गर्ने वताइन । कार्यक्रमको सहजिकरण उवासंघका महासचिव कमलजंग ठकुरीले गरेका थिए । स्थानिय तहको निर्वाचन अगाडिदेखि सो उपचार केन्द्र निर्माणका लागि आर्थिक व्यवस्थापन उवासंघले गर्ने उपचार केन्द्र निर्माण व्यवस्थापन सेपाली सेना रिपु गण अर्जुनखोला लिने निर्णय भएको थियो ।