© २०२३
४ आश्विन २०८१, शुक्रबार
४ आश्विन २०८१, शुक्रबार
पुर्वी नवलपरासीको दुई छुट्टाछुट्टै स्थानमा भएको सवारि दुर्घटनामा परि ३ जनाको मृत्यू भएको छ । पूर्व पश्चिम राजमार्ग अन्र्तगत नवलपुरको गैडाकोट नगरपालिका १३ मुकुन्दपुरमा शनिबार बिहान बसले मोटरसाईकललाई ठक्कर दिदा दुई जनाको मृत्यु भएको छ ।
ना ५ ख ३९८७ नम्बरको कर्णाली यातायातको बसले ना ५६ प ३८५१ नम्बरको मोटरसाइकललाई ठक्कर दिदा मोटरसाईकलमा सवार दुईजनाको मृत्यु भएको हो । दुर्घटनामा परि मृत्युहुनेमा गैडाकोट नगरपालिका ८ बस्ने २० वर्षीय अनिल पौडेल र गैडाकोट १ बस्ने १९ वर्षीय कृष्ण सापकोटा रहेका छन् । दुर्घटनामा परि घाइते भएका दुवैजनाको उपचारकालागि अस्पताल लैजाने क्रममा एक जनाको बाटोमा र एक जनाको अस्पतालमा उपचारको क्रममा मृत्यु भएको इलाका प्रहरी कार्यालय गैडाकोटका सूचना अधिकृत प्रहरी सहायक निरिक्षक जोतन्द्र भण्डारीले जानकारी दिएका हुन् ।
यस्तै शनिबार दिउसो १ः३० बजेको समयमा मध्यविन्दु नगरपालिका २ भित्रीसडक खण्डमा टेक्टर अनियन्त्रित भई पल्टदा १ जनाको मृत्यु भएको छ । सेहरि भित्रीसडक खण्डमा ना ४ त १९१० नम्बरको टेक्टर आफै अनियन्त्रीत भई पल्टदा चालक मध्यविन्दु २ बस्ने वर्ष २५ का धन बहादुर कुमालको मृत्यू भएको कोल्हुवा चौकिले जानकारि दिएको छ ।
© २०२३
सर्वाधिकार सुरक्षित
Design & Developed By:
