खोज

रूपन्देहीकी पत्रकार इन्दिरा अर्यालले अन्तर्राष्ट्रिय पुरस्कार प्राप्त गरेकी छिन् ।
ग्रामिण महिलाहरूको जीवनस्तर उकास्नका लागि महŒवपूर्ण भूमिका निर्वाह गरेको भन्दै स्विजरल्याण्डको संस्था ओमन वल्र्ड समिट फाउन्डेसनले उक्त ‘ग्रामिण जीवनमा महिला सृजनशिलता’ पुरस्कार प्रदान गरेको हो ।
अर्याललाई परिर्वतनका लागि कार्यरत महिला समूहले आईतवार बुटवलमा एक कार्यक्रमका बीच एक हजार अमेरिकी डलर बराबरको सो पुरस्कार प्रदान गरेको हो । २०३४ सालमा पाल्पाको निस्ती गाउँपालिकामा जन्मिएकी अर्याल सहित विश्वभरीका १० जना महिलाले सो पुरस्कार प्राप्त गरेका छन् ।
सम्मान कार्यक्रममा बोल्दै प्रदेश ५ सामाजिक विकास मन्त्री सुदर्शन बरालले यस्ता सम्मानले सम्पुर्ण ग्रामिण क्षेत्रका महिलाहरूलाई अगाडि बढ्न प्रेरित गर्ने बताउँदै सञ्चार माध्यमहरूले सकारात्मक सन्देशहरूलाई प्राथमिकता दिनु पर्नेमा जोड दिए । सकारात्मक सन्देशले मात्र समाज र देश परिवर्तन गर्न सकिने भन्दै यस्ता कार्यक्रमले हौसला दिने बताए । प्रदेश सांसद विष्णु पन्थीले विभिन्न अभियानहरू चलाएर ग्रामिण क्षेत्रका महिलालाई अगाडि बढाउन जरुरी रहेको उल्लेख गरे । कार्यक्रममा बोल्दै पुरस्कृत अर्यालले पत्रकारितासँग सामाजिक कार्यल मनमा सन्तोषसँगै हौसला प्राप्त भएको बताइन् ।
उनले यो पुरस्कार आफ्नो कल्पना भन्दा बाहिर रहेको धारणा व्यतm गरिन् । उनले अबका दिनमा समाजमा पछाडि पारेको वर्गलाई अगाडि ल्याउनलाई निरन्तर समाजिक अभियानमा लागि रहने बताइन् । कार्यक्रममा रेडियो लुम्बिनीका कार्यबाहक अध्यक्ष दुजेन्द्र बस्नेत, महिला उद्यमी यमुना चापागाई, पार्वती परियार, दलबहादुर गुरुङ्ग लगायतले बोलेका थिए ।à