खोज

प्रदेश नं ५ का मुख्यमन्त्री शंकर पोखरेल र नेपालका लागि चिनियाँ राजदुत यु होङ बीच आईतवार भेटवार्ता भएको छ ।
भेटवार्तामा लुम्बिनीको पर्यटन प्रवद्र्धन, कृषिको विकास र उद्योगमा चिनियाँ लगानी बारे छलफल भएको मुख्यमन्त्रीका प्रेस सल्लाहकार शेरबहादुर केसीले जनाएका छन् ।
मुख्यमन्त्री पोखरेलले प्रदेशमा पर्यटन विकास र कृषि उत्पादनको प्रचुर संभावना रहेकाले चिनियाँ अनुभव आवश्यक रहेको बताएका थिए । ‘पर्यटन प्रवद्र्धन र कृषिको व्यवसायिक विकासमा चिनियाँ अनुभव हाम्रा लागि काम लाग्ने कुरा हो ।’ मुख्यमन्त्रिको भनाई थियो । उनले नेपालको विकासमा चिनियाँ सद्भाव सधैं रहेकोले राजदुत मार्फत चिनियाँ सरकारप्रति धन्यवाद व्यक्त गरेका थिए । मुख्यमन्त्री पोखरेलले चिनियाँ रेल काठमाडांै हुँदै लुम्बिनी आउने कुरा सुन्दा खुशी लागेको बताए । राजदुत होङले नेपालको विकासमा चिनियाँ अनुभव र प्रविधि आदानप्रदान गरी अघि बढ्न चीन तयार रहेको बताईन ।
उनले कृषिको विकासमा चीनले सहकार्य गर्दै आएको र आगामी दिनमा अझै बढाउने बताईन । लुम्बिनी धेरै चिनियाँको मनमा रहेको बताउँदै उनले लुम्बिनीलाई विश्वकै आर्कषक पर्यटकीय गन्तव्य बनाउन सकिने विश्वास व्यक्त गरिन् । राजदूत होङले चीनको भ्रमणका लागि पनि मुख्यमन्त्रीलाई निमन्त्रणा दिएकी छन् । à