खोज

दोस्रो सैनामैना मम्मी डान्सको उपाधि यमकला अर्यालले जित्न सफल भएकी छन् । तेस्रो राष्ट्रिय सैनामैना कृषिपर्यटन तथा औद्योगिक व्यापार मेलामा सञ्चालन गरिएको मम्मि डान्समा ९ जना सहभागिता रहेकोमा सबैलाई उछिन्दै अर्यालले उपाधि जित्न सफल भएकी हुन । उनले रु. ७५ हजार नगद सहित प्रमाणपत्र प्राप्त गरेकी छिन् । 
त्यसैगरी कृति शर्माले द्वितीय स्थान ल्याउन सफल भएकी छिन् । उनले नगद रु. ५० हजार सहित प्रमाणपत्र प्राप्त गरेका थिए । तृतीय हुन फिल झरना ठकुरीले नगद रु २५ हजार र प्रमाणपत्र प्राप्त गरेका छन् भने सवितातामाङले रु. १५ हजार सहित प्रमाणपत्र प्राप्त गर्नु भएको प्रचारप्रसार संयोजक दिपेन्द्र ढकालले जानकारी दिए । जसमा प्रथम पुरस्कार पूर्णिमा विकास बैंक, द्वितीय पुरस्कार ग्लोबल पार्टी प्यालेस, तृतीय पुरस्कार बँडेल निर्माण एण्ड सप्लायर्स र सान्त्वना पुरस्कार भाग्यलक्ष्मी बस्त्रालयले प्रायोजन गरेको थियो ।
यस्तै देश निर्माणमा व्यापारको आवश्यकता व्यवसायिक हितसँगै सामाजिक एकता भन्ने मुलनाराका साथ संचालन भइरहेको सैनामैना महोत्सवमा शुक्रवार वडा नं. २ र ९ मा बिचमा भएको फाइनल प्रतिस्पर्धामा वडा नं. २ विजयी भएको छ । जसमा वडा नं २प्रथम हँुदै रु ५५ हजार सहित प्रमाणपत्र प्राप्त गरेको छ । त्यसैगरी वडा नं द्वितीय हुँदै ३५ हजार सहित प्रमाणपत्र प्राप्त गरेको छ । त्यसै गरी वडा नं. ४ तृतीय भएको छ ।
उसले रु. २५ हजार नगद सहित प्रमाणपत्र प्राप्त गरेको छ भने वडा नं ५ ले सान्त्वना स्वरूप रु १० हजार सहित प्रमाण पत्र प्राप्तगर्न सफल भएका छन् । डान्सिङ आईडल २०७५ को फाईनल प्रतिस्पर्धा शनिबार हुँदैछ । आईडलको फाईनल प्रतिस्पर्धाका लागि ५ जना प्रतियोगी छनोट छन् । जसमा लिसा दर्लामी, बिनिता थारु, सृष्टि अधिकारी, रोशनी भण्डारी र सौरभ पाण्डे छनोट भएको सुबेदीले बताए । शुक्रबार लोक तथा दोहोरी गायक पशुपति शर्मा, हाँस्यकलाकार राजा राजेन्द्र पोखरेल, अनिल पहाडी लगायत स्थानिय कलाकारहरूको बेजोड प्रस्तुति रहेको थियो । शनिबार राष्ट्रिय लोक तथा दोहोरी
गायक पुस्कल शर्मा, गायिका बबिता बानिया (जेरी) साथमा स्थानिय कलाकारहरूको प्रस्तति रहने सांस्कृतिक संयोजक पिताम्बर न्यौपानेले जानकारी दिए ।कार्तिक ८ गतेदेखि सुरु भएको सैनामैना औद्योगिक व्यापार मेला पर्रोहामा.वि. को अगाडि रहेको खेल मैदानमा जारी छ ।