खोज

माथागढी गाउँपालिका–२ रुप्से स्वास्थ्य चौकीको भवन हस्तान्तरण गरिएको छ । भवनको एक कार्यक्रमका बिच स्वास्थ्यचौकीलाई हस्तान्तरण गरिएको हो । दुई करोड सात लाख बीस हजारको लागतमा निर्माण भएको सो भवन शहरी विकास तथा भवन निर्माण डिभिजन कार्यालय पाल्पाले स्वास्थ्य चौकीलाई हस्तान्तरण गरेको छ
।बालमैत्री र अपांगमैत्री सौचालय रहेको सो भवनको २० कोठा, ४ वटा शौचालय र १ हलसहितको। भवन हस्तान्तरण समारोहका प्रमुख अतिथि तथा माथागढी गाउँपालिकाका अध्यक्ष सन्तोष थापा मगरले भवन निर्माणसँगै सेवामा सहजता हुने विश्वास व्यक्त गरे ।
अध्यक्ष थापाले स्थानीय स्तरमै गुणस्तर र आधारभूत स्वास्थ्य सेवाबाट उपलब्ध गराउनका लागि भवन स्थापना गरिएको बताए । जनताहरू सामान्य उपचारबाट बञ्चित हुनु नपर्ने र अकालमै मृत्युवरण गर्न नपर्ने वातारणको प्रवन्ध गाउँपालिकाले सिर्जना गरेकोले स्थानीय जनताहरूलाई भरपुर सेवा लिन उनले आग्रह गरे ।
कार्यक्रमका विशिष्ट अतिथि सहरी विकास तथा भवन निर्माण डिभिजन कार्यालय पाल्पाका डिभिजन प्रमुख रमेश थपलियाले भवन गुणस्तर र मजबुद रहेको बताए । उनले २६७.०० वर्ग मिटर क्षेत्रफल भएको आरसीसी फ्रेम स्टक्चर सहितको भवनमा विद्युतीय सेनेटरी र वाटर सप्लाईको व्यवस्था पनि रहेको जानकारी दिए ।कार्यक्रममा गाउँपालिकाका प्रमुख प्रशासकिय अधिकृत दिपक कुमार नेपाली, भवन डिभिजन कार्यालयका ईञ्जिनियर हरीभक्ता श्रेष्ठ, गाउँपालिकाका स्वास्थ्य शाखा प्रमुख यम चिदि लगायतले स्थानीयहरूलाई भवन निर्माणले स्थानीय तहमै स्वास्थ्य सेवा लिन सहज हुने बताए ।