खोज

रूपन्देही सैनामैना ४ मुर्गियाका २४ वर्षीय अमित बराल नेपाल आईडलको उत्कृष्ट टप नाईनमा पर्न सफल भएका छन् । एक पटक डेन्जर जोनमा परेका अमित उत्कृष्ट प्रस्तुति दिँदै आफूलाई टप ९ मा सुरक्षित गर्न सफल बनेका हुन् । उनले नेपाल आइडलको सुरुवात देखि नै आफ्नो गायकीको कारण सबैको मन जितेका छन् । बरालले आइडलमा एउटा इतिहास रच्दै एक चोटी ‘पफर्मेस अफ द डे’ बनिसकेका छन् ।
आफ्ना दाजु स्व.सुमित बरालको साङ्गितिक सपना साकार पार्न अघि बढेका अमित बरालले क्लासिकल र पप शैलीका गीत बढी मन पराउने गर्दछन् ।
बुबा जिबन बराल र आमा सिता बरालको कोखबाट माईलो सुपुत्रको रूपमा वि.सं. २०५१ साल असोज २ गते नवलपरासीको बर्दघाटमा उनको जन्म भएको हो । उनले बर्दघाट न्युलाईट बोडिङ स्कुलमा कक्षा ७ सम्मको अध्ययन गरे । त्यस पश्चात आफ्नो घरपरिवार सैनामैनामा बसाइँसराइँ गरेसँगै प्रभात आवसीय ईंङ्लिस बोडिङ स्कुलमा कक्षा १० सम्मको अध्ययन गरे । एस.एल सी उत्तिर्ण गरी उच्च शिक्षाका लागि बुटवलमा रहेको अन्नपुर्ण मोडेल कलेजमा भर्ना भई अध्ययन गरे र प्लस टु उत्तीर्ण गरे ।
आफ्ना दाजुको साङ्गितिक क्षेत्रको सपना पुरा गर्न कस्सिएर लागेका बराल नवलपरासी आईडलमा टप ५ मा पर्न समेत सफल भएका थिए । उनले लुम्बिनी कला केन्द्र बुटवलमा २ वर्ष सम्म संगीत सिकेका थिए । उच्च माध्यमिक विद्यालयको पढाई सकिएसँगै काठमाडांैमा पनि उनले केही समय संगित शिक्षा लिए ।
अमितले नेपाल आइडलमा लगातार उत्कृष्ट प्रस्तुति दिइरहेका छन् । प्रत्येक बिहिबार बेलुका ८ः ३० बजे एपी वान टेलिभिजनमा प्रसारण हुने नेपाल आइडलको टप ९ मा पुगेका अमितलाई जिताउन यतिबेला भोटको आवश्यक परेको छ । गायन प्रतिभाको खोजीका लागि बहुप्रतीक्षित मानिएको ‘नेपाल आइडल’को अडिसनमा गत साता अमितर्ले पैसा होईन पासो छ, परदेशमा बोलाउँदै छन् आफन्तले स्वदेशमा भन्न‘पन्छी‘ गित मार्फत उत्कृष्ट प्रस्तुति प्रस्तुत गर्दै निर्णयक सहित देश विदेशमा रहने सम्पुर्ण नेपालीहरूलाई गित मार्फत रुवाएका थिए ।
अमितका बुवा जिबन बरालले आफ्ना छोरालाई जिताउन सबैसँग भोटका लागि अपिल गरेका छन् । अमितलाई नेपाल आइडल सिजन २ बनाउन म्यासेजमा ०१ टाइप गरी ३१००९ मा पठाउनु पर्नेछ । भोट हरेक हप्ताको विहीबार राति ८ः ३० देखि शुक्रबार दिउँसो १२ बजेसम्म मात्र गर्न सकिने जनाइएको छ । देश र बिदेशबाट Respeact & Rise एप बाट पनि भोट गर्न सकिने छ ।à