खोज

तीज सांस्कृतिक कार्यक्रमबाट संकलन गरिएको रकम रुपन्देही नेत्रहिन संघलाई प्रदान गरिएको छ । रूपन्देही सैनामैनामा गत भदौ २७ गतेका दिन गायक तथा सञ्चारकर्मी अनिल पहाडीको संयोजकत्वमा आयोजना गरेको सास्कृतिक कार्यक्रमबाट दैनिक उपभोग्य बस्तु हस्तान्तरण गरेको हो ।
प्रदेश नम्बर ५ का सांसद कमलादेवि विश्वकर्माले हस्तान्तरण गरेकी हुन् । अनिल पहाडीको संयोजकत्वमा भएको कार्यक्रमबाट २५ हजार बराबरको खाद्यान्न सहयोग नेत्रहिन संघलाई गरिएको छ ।
कार्यक्रममा बोल्दै सांसद विश्वकर्माले नेत्रहिन संघलाई आवश्यक सहयोग गर्ने बताइन् । उनले प्रदेश सरकारले कसरी सहयो गर्न सक्छ त्यसको अगुवाई गर्ने बताइन् । उनले समाजलाई मार्गदर्शन गरेर युवाहरूले गरेको उदाहरणिय कार्यको प्रशंसा गरिन् ।
पूर्व सासद विनोद पहाडीले अनएयर मिडिया मार्फत युवाहरूले सहयोगी भावनाले नेत्रहिन संघमा गरेको सहयोग अनुकरणीय कार्य भएको बताए । राज्यले पूर्ण अपांगको सूचनीमा दृष्टिविहिनलाई राख्नुपर्नेे बताउँदै सरकारले संरक्षण गर्नुपर्ने बताए । उनले नेत्रहिन संघलाई केही न केही रूपमा अर्को बर्षसम्ममा सहयोग गर्न आफूले पहल गर्ने प्रतिबद्धता पनि जनाए ।
रूपन्देही नेत्रहिन संघका अध्यक्ष कृष्ण बहादुर जिसिले अगरबत्ति बनाउने तालिम सञ्चालन गर्ने र दृष्टिविहीनलाई आत्मनिर्भर बनाउने काममा लागेको बताए । बुटवल तामनगरमा देउसी भैलो खेलेर आफ्नै निवास बनाएको उनले बताए ।
उनले आफ्नो संस्थालाई सहयोग गरेकोमा आभार व्यक्त गरे । कार्यक्रममा नव सृजना आमा समूह सैनामैना १ अध्यक्ष गंगा खनाल, परियार सेवा समाज रूपन्देहीका अध्यक्ष लोकबहादुर नेपाली, नेपाल नेत्रहिन संघका केन्द्रीय सदस्य शिला घिमिरेले बोल्दै अनएयर मिडियाले गरेको सहयोग उदाहरणिय र अनुकरणिय रहेको बताए । समाजमा रहेका असाहयहरूलाइ सहयोग गर्ने गरेर कार्यक्रम गरिएको कार्यक्रम संयोजक अनिल पहाडिले बताए । कार्यक्रममा सञ्चारकर्मी झविन्द्र भण्डारी, सहसंयोजक सुरज शाक्य लगायतले बोलेका थिए ।