खोज

दशैतिहार नजिकिँदै गईरहेको बेला स्वदेशमा काम नपाई बैदेशिक रोजगारको सिलसिलामा ढाई बर्षदेखि खाडी राष्ट्र मलेशिया गएका रूपन्देहीमा पैसा आउनुको सट्टा लाश आएको छ ।
ईलाका प्रहरी कार्यालय लुम्बिनीले दिएको जानकारी अनुसार मलेशियामा बिषादी रक्सी सेवनबाट मृत्यु भएका १५ नेपाली मध्ये लुम्बिनी साँस्कृतिक नगरपालिका वडा नं. ११ मसिना निवासी ३५ बर्षीय कान्छा भन्ने रामकुमार यादवको १३ औं दिनमा लास आएको हो ।
दशैतिहारको मुखमा पैसा आउनुको सट्टाघरमा यादवको लास आएपछि निजको सात जना परिवार बिचल्लीमा परेको लुसाँनपा वडा ११ का वडा अध्यक्ष अक्रमुद्दीन मुसलमानले बताए । बडा दशंै अघि नै घर आउने श्रीमानको फोन मार्फत खबर सुनेर खुशीले घरआँगन सजाउने क्रममा उनको लाश देखेपछि एक्कासी मृत्युको पीडा सहन नसके पछि निजको धर्मपत्नी रीता यादव अचेत अवस्थामा ईशारा गर्दै सँगै मर्नेसँगै बाँच्ने सपना अधुरो भएको दुखेसो पोखिन् ।
त्यसै गरि ठूलो बाकसमा बाबूले दशैतिहारका लागि नयाँ कपडा र मीठा खानेकुरा सम्झी दगुर्दै नजिक पुग्दा बाबूकै लाश देखेपछि अर्को तर्फ सात बर्षीय छोरा रमेश यादव पनि जमीनमा ढलेर पापा बिस्कुट खोई रुदै कराउँदै भने । त्यति मात्र नभई ठूलो छोरा पट्ट यादवको क्रिया नहुँदै साहिला छोरा रमेश यादवको मलेशियाबाट घरमा लाश आएपछि आफूलाई काँध थप्ने सपना त बिपनामा आफैले दुई छोराको काँध थप्नु परिरहेको मृतकका पिता ७८ बर्षीय जल्लु यादवले पीडा सुनाए । त्यस्तै बिदेशको भूमिमा छोरा गुमाउदाको पछुत्तो नभई गाँउ,समाज र देशको सेवा गर्ने एउटा नेपाल आमाको छोरा गुमे पछि देश निर्माण अभियानमा एक नेपाली युवा घटेको चिन्ताले पिरोल्न थालेको निजको आमा चन्द्रबलि यादवले अश्रधारा बगाउदै बताईन ।
मलेशियाबाट रमेश यादवको लाश आए पछि गाँउको होनहार युवा पुरै मसिना गाँउ नै शोकमा डुबेर यस बर्षको दशैदिपावली समेत नमनाउने गाँउलेहरू मनस्थिती बनाउन थालेको समाजसेवी शिवप्यासीले बताए । स्वदेशको डल्लामा पसिना बगाई देश निर्माण गर्ने युवाहरू खाडी राष्ट्रमा गई मृत्युवरण गरिरहेको बिभिन्न घटनाक्रमलाई नजर अन्दाज गरि राज्यले युवाहरूलाई स्वदेश मै रोजगारीको अवसरहरू सिर्जना नीति अवलम्बन गर्नुपर्ने सुझाव समेत दिए ।

तस्वीरः पिडामा रहेको यादव परिवार