खोज

तिलोत्तमा क्रीकेट बिकास समितिले आगामी कार्तिक २६ देखि सुरु गर्ने तिलोत्तमा प्रिमियर लिग २ को लागी सम्पन्न खेलाडी अक्सनमा १ सय १२ खेलाडी बिकेका छन । प्रतियोगितामा सहभागी हुने बिभिन्न ८ वटा टिमका वनर, म्यानेजर, कोच र मार्कि खेलाडिहरूको उपस्तिथिमा भएको अक्सनमा १ सय १२ खेलाडि बिकेका हुन ।
यो संगै अक्सनमा आवेदन दिएका अन्य १ सय ५९ खेलाडिहरू टिपिएल खेल्न नपाउने भएका छन । नेपालका राष्ट्रिय, क्षेत्रीय, जिल्ला, स्थानीय र बिद्यालय तहका जम्मा २ सय ७१ खेलाडिहरू अक्सनको मैदानमा उत्रेका थिए । रोयल शंकरनगरले अक्सनमा खेलाडिका लागी सबैभन्दा बढी रकम खर्च गरेको छ । रोयलले १ लाख ३५ हजार ५ सय खर्चेर सन्दिप सुनार, सुसन भारी, फैजल खान लगाएतका चर्चित खेलाडीहरूलाइ आफ्नो टिममा पार्न सफल भएको छ । त्यस्तै १ लाख ३१ हजार खर्चेको ज्ञानोदय गोल्ड्सले सन्तोष क्षेत्री, देबेन्द्र सोमरे, निर्मल थापा, राहुल बिके लगायतका खेलाडी सहितको दावेदार टिम खडा गरेको छ ।
यसैगरी मणिग्राम किङ्सले कृष्ण कार्की, लाल बहादुर अधिकारी सहितको टिमका लागी १ लाख २८ हजार खर्च गरेको छ भने समान रकम खर्चेको रोयल च्यालेजरले एक्लख अहमद, प्रकाश केसि लगाएतका खेलाडी आफ्नो टिममा पार्न सफल भएको छ । त्यस्तै कुशल भुर्तेल नुसि वारियर्समा परेका छन भने सौरब खनाल र सहव आलमलाइ बुटवल डाइनामाइटले किनेको छ । लुम्बिनी कासाइले महेश मिश्रा, कुसल मल्ल लगायतका खेलाडी सहितको टिम निर्माण गरेको छ भने निश्चल चौधरी, अनिल खरेल र बिक्रम भुषाललाइ एस आर एन एस सि ए टाइगर्सको बोलि लागेको छ । प्रतियोगिताले जिल्लास्तरमा रहेका खेलाडीहरूको क्षमता विकास गर्दै राष्ट्रिय खेलाडीहरूसंग खेलअनुभव साटासाट गर्ने अवसरका साथै खेलाडीहरूलाई समेत प्लटफर्म मिल्ने आयोजकको दाबी छ । आगामी कार्तिक २६ गतेदेखि शुरु हुने प्रतियोगिता तिलोत्तमा नगरपालिका वडा नम्बर ६ स्थित नवजिवन क्लवको खेल मैदानमा हुनेछ । प्रतियोगिताको बिजेताले नगद ३ लाख सहित ट्रफि, मेडल र प्रमाणपत्र प्राप्त गर्नेछन भने उपबिजेताले १ लाख ५० हजार सहति ट्रफि, मेडल र प्रमाणपत्र प्राप्त गर्ने छन । तिलोत्तमा नगरपालिकाको नयाँमिलमा बुधबार अबेरसम्म संचालित अक्सनको रूपन्देही क्रीकेट संघका अध्यक्ष प्रशान्त बिक्रम मल्लले उद्घाटन गरेका थिए । तिलोत्तमा क्रीकेट बिकास समितिका अध्यक्ष अच्युतराज ढुंगाना, सचिव राजेन्द्र केसी र कृष्ण भण्डारी, संस्थाका सिइओ दिपक भुर्तेल लगायतले बोलेका थिए ।