खोज

दिपक घिमिरे
सिईओ, प्यारामाउन्ट ईन्टरटेन्टमेन्ट प्रालि
विगत लामो समय देखि विभिन्न इभेन्ट आयोजना गरेको प्यारामाउन्ट ईन्टरटेन्टमेन्ट ले यस पटक रूपन्देहीमा नौलो कार्यको सुरुवात गरेको छ । यस भन्दा पहिला काठमाडौंमा भारतीय सुप्रसिद्ध गायक कुमार सानुलाई ल्याएर कार्यक्रम गरेको प्रालिले दोस्रो पटक लुम्बिनीमा कुमार सानुलाई ल्याउन लागेको छ । यसको तयारी लगायतका विषयमा प्यारामाउन्ट ईन्टरटेन्टमेन्टका प्रमुख कार्यकारी अधिकृत दिपक घिमिरे सँग रङ्ग वार्तामा बुटवल टुडेले गरेको कुराकानी ।

कुमार सानु लाईभ ईन लुम्बिनीको तयारी कहाँ पुग्यो ?
– यहि असोज ५ गते हुने कुमार सानु लाईभ ईन लुम्बिनीको तयारी पुरा भएको छ । अवको २ दिनमा भारतीय सुप्रसिद्ध गायक कुमार सानु लाईभ पफमेन्स गर्दैै हुनुहुन्छ । हामी यसको सबै तयारी पुरा गरेका छौं ।

कहाँ कति बेला देखि आयोजना हँुदै छ, कार्यक्रम ?
–लुम्बिनीको काखमा रहेको तिलोत्तमा नगरपालिकामा रहेको ड्रिमल्याण्ड गोल्ड रिसोर्टमा यो कार्यक्रम आयोजना हुने छ । यहि असोज ५ गते शुक्रबार साँझ ६ बजे बाट कार्यक्रम सुरु हुने छ । भारतमा रहेर पनि नेपाली काल्जायी गीत गाएका कुमार सानुको पर्फमेन्स हेर्नको लागि सयौ दर्शकहरू आतुर हुनुहुन्छ ।

कुन उद्देश्यले कार्यक्रम आयोजना गरिएको हो ?
–हामी पहिला पनि काठमाडौमा कुमार सानुलाई ल्याएर कार्यक्रम गरेका थियौं । जुन कार्यक्रममा दर्शकहरूको उल्लेखनिय सहभागीता रहेको थियो । जसले हामीलाई उत्साह थपेको थियो । त्यतिबेला नै सुप्रसिद्ध गायक कुमार सानु आफैले नै लुम्बिनी गौतम बुद्धको जन्मस्थल आउने ईच्छा जाहेर गरेका थिए । सोही अनुसार उनलाई हामीले लुम्बिनीको भ्रमण संगै कार्यक्रम पनि आयोजना गरेका छौं । जसबाट नेपालको लुम्बिनीको बारेमा उनले भारत लगायत आफु विश्वभर नै प्रचार प्रसार गर्नेछन भन्ने अपेक्षा हो । यसको अलवा हामी लुम्बिनीको नाम दिएर लुम्बिनीको पर्यटन प्रर्वद्धनको लागि पनि कार्यक्रम आयोजना गरेका हौं ।

कुमार सानु अलवा अन्य कलाकारहरूको पनि प्रस्तुति रहने छ ?
–अवश्य पनि भारतका सुप्रसिद्ध गायक कुमार सानुले नेपाली र हिन्दी गरी लगभग ३० भन्दा बढी आफ्ना चर्चित गितहरू सहित लाइभ ब्याण्डका साथ प्रस्तुत हुनेछन ।
भारतको प्रख्यात फिल्म फेयर एवार्ड देखि पद्म श्री सम्मको सम्मानबाट सम्मानित भई सकेका गायक कुमार सानु ९० को दशकका सर्वाधिक रुचाईएका गायक हुन् । ‘मत अब रिसाउँछु बोल्दै बोल्दिन, पुरानो हुंदैन माया, फुल भए जिन्दगी देउतालाई चढाईदिन्थे, सपना सपना, भरे आउँछु सपनिमा जस्ता चर्चित नेपाली गीतहरू उनले लाईभ गाउनेछन् यस्तै ‘एक लड्कीको देखा तो ऐसा लगा, तेरे दरपे सनम लगायत गीत उनले पर्फमेन्स गर्ने कार्यक्रम रहेको छ । यसको अलवा अन्तर्राष्ट्रिय स्तरको यस कार्यक्रममा नेपाली चर्चित गायिका देविका बन्दनाले पनि कुमार सानु संगै आफ्नो प्रस्तुती दिनेछिन् ।

अन्त्यमा ?
–अन्त्यमा म के भन्न चाहान्छु भने यो हामी नेपालीहरूको लागि लुम्बिनीबासीहरूको लागि ठूलो अवसर हो नेपाल चिनाउने । यसमा सबैको साथ र सहयोगको अपेक्षा मैले गरेको छु । अबको दुई दिनमा भव्य कार्यक्रम आयोजना हुँदै छ । त्यसकारण यहि असोज ५ गते शुक्रबार मणिग्राममा रहेको ड्रिम ल्याण्ड गोल्ड रिसोर्टमा आई कार्यक्रम सफल बनाईदिन म सबैमा अनुरोध गर्दछु ।