खोज

 राष्ट्र अभियानमा लागेका पूर्व युवराज पारस शाह अभियानकै क्रममा भैरहवा आई पुगेका छन । जेष्ठ २२ गते मनकामना देखि सुरु गरेका अभियान बुधबार भैरहवा पुगेको हो ।
राष्ट्र र रष्ट्रियताको जगेर्ना र मौलिक पहिचानको हिक्मत गर्ने उद्देश्य सहित अभियानमा मा लागेका पूर्व युवराज पाल्पा गोरखा लमजुङ हुदै भैरहवा पुगेका हुन ।
अभियानकै सन्दर्भमा पत्रकारसँग कुरा गर्दै पूर्व युवराजले राज्यका प्रत्येक क्षेत्र, समुदाय, वंशहरुलाई राष्ट्र चाहिएको बताउदै राज्यलाई संरक्षण र सबै नेपालीले आफ्नो असल देश प्रतिको धर्म निभाउन सके देश आफै बन्ने बताए ।
राज संस्था हुदा होस वा अहिले जब देशमा संकटआउछ त्यसको चिन्ता हामी राज सस्थालाई हुन्छ । राजा हुनु नहुनु भन्दा पनि मुलुक रहनु पर्ने र राष्ट्रियता रक्षा हुनु पर्ने भन्ने कुरा बढि चिन्ता रहेको बताए । नेपालमा राष्ट्र हित र जनहितमा काम गर्ने जनप्रेमी शासकको खाँचो समेत महसुस गरेको बताए ।
उनले राज सस्ंथा विस्थापित भएर नै गाई र राष्ट्रको रक्षा हुन नसकेको बताउदै गाई गोरुको रक्षा र समग्र देशको संरक्षणका लागि सबै एकजुट हुन आग्रह गरे ।
छिमेकी मुलुकको हस्तक्षेप, नेपाली युवाको बिदेश पलाएन, त्यहाँ भोग्नु परेको पिडा र मुलुक दिनानु दिन संकटमा परेको भन्दै पारसले मुलुकको दीर्घकालिन निकासका लागि अभियानमा लागेको बताए ।
उनी आम नागरिकको अवस्था र युवाको चाहना बुझ्ने उद्देश्यका साथ अभियानमा लागेका हुन ।